________________
ਇਸ ਪ੍ਰਕਾਰ ਮੁਨੀ ਕਿਸੇ ਦਾ ਤਿਰਸਕਾਰ ਨਾਂ ਕਰੇ, ਆਪਣੀ ਮਹਾਨਤਾ ਪ੍ਰਗਟ ਨਾਂ ਕਰੇ । ਗਿਆਨ, ਲਾਭ, ਜਾਤੀ, ਤਪ ਅਤੇ ਵਿਦਿਆ ਦਾ ਅਭਿਮਾਨ ਨਾ ਕਰੇ। ॥੩੦॥
| ਮੁਨੀ ਰਾਗ ਦਵੇਸ਼ ਦੇ ਕਾਰਣ ਜਾਨ ਅਨਜਾਨ ਵਿੱਚ ਮੁਲ-ਉਤਰ ਗੁਣਾਂ ਦੀ ਉਲੰਘਣਾ ਜੇਕਰ ਕਰ ਲਵੇ ਤਾਂ ਛੇਤੀ ਹੀ ਉਸ ਦੀ ਆਲੋਚਨਾ ਕਰਕੇ ਉਸਨੂੰ ਫੇਰ ਨਾ ਕਰਨ ਦਾ ਪ੍ਰਣ ਕਰੇ। ॥੩੧॥
ਲਗਾਤਾਰ ਪਵਿੱਤਰ ਬੁੱਧੀ ਵਾਲਾ, ਸਪੱਸ਼ਟ ਭਾਵ ਵਾਲਾ, ਬਿਨਾ ਰੁਕਾਵਟ ਘੁੰਮਨ ਵਾਲਾ, ਇੰਦਰੀਆਂ ਦਾ ਜੇਤੂ ਮੁਨੀ ਪਹਿਲਾਂ ਕੀਤੇ ਅਸ਼ੁੱਭ ਕਰਮ ਦੇ ਸਿੱਟੇ ਵੱਜੋ ਜੇ ਅਨਾਚਾਰ ਦਾ ਸੇਵਨ ਕਰ ਲਵੇ ਤਾਂ ਛੇਤੀ ਹੀ ਗੁਰੂ ਕੋਲ ਜਾ ਕੇ ਉਸ ਦੀ ਆਲੋਚਨਾ ਕਰ ਲਵੇ ਉਸ ਨੂੰ ਨਾ ਛਪਾਵੇ ਨਾ ਇਹ ਆਖੇ ਕਿ ਇਹ ਕੰਮ ਮੈਂ ਨਹੀਂ ਕੀਤਾ। ॥੩੨॥
ਮੁਨੀ ਮਹਾਤਮਾ, ਅਚਾਰਿਆ ਭਗਵਾਨ ਦੇ ਬਚਨ ਆਗਿਆ ਨੂੰ ਸੱਚ ਕਰਨਾ ਚਾਹੀਦਾ ਹੈ। ਅਚਾਰਿਆ ਦੇ ਬਚਨ ਨੂੰ ਮਨ ਨਾਲ ਸਵਿਕਾਰ ਕਰੇ ਫੇਰ ਆਦਰਪੂਰਵਕ ਉਸ ਕੰਮ ਨੂੰ ਆਚਰਣ ਰਾਹੀਂ ਸਫਲ ਕਰੇ। ॥੩੩॥
ਮੁਨੀ ਇਸ ਜੀਵਨ ਨੂੰ ਅਨਿੱਤ ਸਮਝ ਕੇ ਆਪਣੀ ਉਮਰ ਨੂੰ ਗਿਆਨ ਨਾਲ ਸਮਝ ਕੇ ਗਿਆਨ, ਦਰਸ਼ਨ, ਚਰਿੱਤਰ ਰੂਪ, ਮੋਕਸ਼ ਮਾਰਗ ਨੂੰ ਲਗਾਤਾਰ ਸੁਖ ਮਾਰ ਕੇ ਵਿਚਾਰ ਕੇ ਬੰਧਨ ਦੇ ਵਿਸ਼ਿਆਂ ਬਾਰੇ ਪਿੱਛੇ ਹੱਟੇ। ॥੩੪॥
ਮੁਨੀ ਆਪਣੀ ਸ਼ਕਤੀ, ਮਾਨਸਿਕ ਸ਼ਕਤੀ, ਸ਼ਰੀਰਕ ਸ਼ਕਤੀ, ਸ਼ਰਧਾ ਅਤੇ ਨਿਰੋਗਤਾ ਵੇਖ ਕੇ ਖੇਤਰ ਕਾਲ ਜਾਨ ਕੇ ਉਸ ਅਨੁਸਾਰ ਆਪਣੀ ਆਤਾ ਨੂੰ ਧਰਮ ਕੰਮ ਵਿੱਚ ਲਗਾਵੇ। ॥੩੫॥
