________________
ਗਿਆਨੀ ਉਹ ਹੈ ਜੋ ਘਟਨਾਵਾਂ ਤੇ ਹਾਲਾਤਾਂ ਵਿੱਚ ਨਹੀਂ ਘਬਰਾਉਂਦਾ। ਠੀਕ ਹਾਲਤ ਵਿੱਚ ਵੀ ਉਹ ਸੁਖੀ ਰਹਿੰਦਾ ਹੈ, ਕਿਉਂਕਿ ਉਸ ਦਾ ਸੁੱਖ ਹਾਲਾਤ ਨੇ ਪੈਦਾ ਨਹੀਂ ਕੀਤਾ ਹੁੰਦਾ। ਉਸ ਦਾ ਸੁੱਖ ਉਸਦੀ ਸਹੀ ਸੋਚ ਤੋਂ ਉਤਪੰਨ ਹੁੰਦਾ ਹੈ। ਸੋਚ ਨੂੰ ਜੋ ਸਹੀ ਬਣਾ ਲੈਂਦਾ ਹੈ, ਉਹ ਗਿਆਨੀ ਹੈ। ਜਿਸ ਦੀ ਸੋਚ ਸਹੀ ਨਹੀਂ ਹੈ ਉਹ ਅਗਿਆਨੀ ਹੈ।
ਸਾਡੇ ਆਚਾਰਿਆ ਜੀ, ਹਰ ਪਲ ਨੂੰ, ਹਰ ਘਟਨਾ ਨੂੰ, ਸਹੀ ਸੋਚ ਨਾਲ ਸਵਿਕਾਰ ਕਰਦੇ ਹਨ। ਹਾਂ ਪੱਖੀ ਦ੍ਰਿਸ਼ਟੀ ਤੋਂ ਸਵਿਕਾਰ ਕਰਦੇ ਹਨ। ਇਸੇ ਲਈ ਉਹਨਾਂ ਦੀ ਖੁਸ਼ੀ ਅਖੰਡ ਹੈ। ਝੁੰਜਲਾਹਟ, ਨਾ ਖੁਸ਼ੀ ਅਤੇ ਸ਼ਿਕਾਇਤ ਦੀ ਭਾਵਨਾ ਉਹਨਾਂ ਨੂੰ ਛੋਹ ਵੀ ਨਹੀਂ ਸਕਦੀ।
ਸੰਸਾਰ ਨੂੰ ਤੁਸੀਂ ਬਦਲ ਨਹੀਂ ਸਕਦੇ, ਖੁਦ ਨੂੰ ਬਦਲ ਸਕਦੇ ਹੋ। ਖੁਦ ਨੂੰ ਬਦਲਣਾ ਹੀ ਹਾਂ ਪੱਖੀ ਦ੍ਰਿਸ਼ਟੀਕੌਣ ਹੈ। ਮਨ ਦੇ ਲਈ ਯੋਗ ਸਥਿਤੀਆਂ ਨਹੀਂ ਹਨ, ਤਾਂ ਵੀ ਤੁਸੀਂ ਖੁਸ਼ੀ ਨੂੰ ਅਖੰਡ ਰੱਖੋ। ਚਿੰਤਨ ਕਰਨਾ ਚਾਹਿਦਾ ਹੈ ਕੀ ਹਰ ਹਾਲਤ ਮੇਰੇ ਲਈ ਯੋਗ ਹੋਣ ਇਹ ਕਿਵੇਂ ਸੰਭਵ ਹੋ ਸਕਦਾ ਹੈ। ਪਰ ਮੈਂ ਹਾਲਾਤਾਂ ਤੋਂ ਕਿਉਂ ਘਬਰਾਵਾਂ? ਹਾਲਾਤ ਤਾਂ ਜੜ (ਬੇਜਾਨ) ਹਨ, ਮੈਂ ਚੇਤਨ ਸਵਰੂਪ ਹਾਂ। ਸਹੀ ਚਿੰਤਨ ਮੇਰੇ ਕੋਲ ਹੈ, ਅਪਣੇ ਸਹੀ ਚਿੰਤਨ ਰਾਹੀਂ ਮੈਂ ਹਮੇਸ਼ਾ ਖੁਸ਼ ਰਹਾਂਗਾ।
ਤੁਹਾਡੇ ਗੋਡਿਆਂ ਵਿੱਚ ਦਰਦ ਹੋ ਗਿਆ। ਡਾਕਟਰ ਨੂੰ ਵਿਖਾਇਆ ਗਿਆ। ਡਾਕਟਰ ਨੇ ਪੜਤਾਲ ਕਰਕੇ ਦੱਸਿਆ ਕੀ ਇਸ ਦਰਦ ਦਾ ਕੋਈ ਇਲਾਜ ਨਹੀਂ ਹੈ, ਜਿੰਦਗੀ ਭਰ ਇਹ ਦਰਦ ਤੁਹਾਡੇ ਨਾਲ ਰਹੇਗਾ। ਅਜਿਹੇ ਸਮੇਂ ਜੇ ਤੁਹਾਡੇ ਕੋਲ ਹਾਂ ਪੱਖੀ ਸੋਚ ਨਹੀਂ ਹੈ ਤਾਂ ਤੁਸੀਂ ਦੁੱਖੀ ਹੋ ਜਾਵੋਗੇ। ਹਾਂ ਪੱਖੀ ਸੋਚ ਹੈ ਤਾਂ ਗੋਡੇ ਦੇ ਦਰਦ ਦੇ ਨਾਲ ਵੀ ਸੁੱਖੀ ਰਹੋਗੇ। ਹਾਂ ਪੱਖੀ ਚਿੰਤਨ ਆਖਦਾ ਹੈ, ਤੁਹਾਡਾ ਸੁੱਖ। ਮਨੁੱਖਾਂ, ਵਸਤਾਂ ਅਤੇ ਘਟਨਾਵਾਂ ਵਿੱਚ ਨਹੀਂ ਹੈ। ਤੁਹਾਡਾ ਸੁੱਖ ਤੁਹਾਡੇ ਅੰਦਰ ਹੈ, ਤੁਹਾਡੇ ਸੋਚਨ ਅਤੇ ਕਰਨ ਦੇ ਢੰਗ ਵਿੱਚ ਤੁਹਾਡਾ ਆਨੰਦ ਹੈ।
ਤੁਸੀਂ ਜੋ ਵੀ ਕਰਦੇ ਹੋ, ਆਨੰਦ ਨੂੰ ਪਾਉਣ ਲਈ ਕਰਦੇ ਹੋ ਪਰ ਹਾਂ ਪੱਖੀ ਚਿੰਤਨ ਇਹ ਹੈ ਕੀ ਤੁਸੀਂ ਜੋ ਵੀ ਕਰੋ ਉਸ ਨੂੰ ਆਨੰਦ ਪੂਰਵਕ ਕਰੋ।
ਆਤਮ ਧਿਆਨ
60
