________________
करपरत्रे सत्रन्दार्थ
तीर्थकराभिषेकनिरूपणम्
विमाणेहितो पच्चोरुहंति २ ता सव्वड्डीए जाव णाइएणं जेणेव भयवं तित्थयरे तित्थयरमाया य तेणेव उवागच्छंति २त्ता भयवं तित्थयरं तित्थयरमायरं च तिक्खुत्तों आयाहिणं पयाहिणं करेंति २त्ता पत्तेयं २ करयलपरिग्गहीयं सिरसावत्तं मत्थए अंजलिं कटु एवं वयासी-णमोत्थुणं ते रयणकुच्छिधारिए जगप्पईव दीतीए जगमंगलस्स चक्खुणोय मुत्तस्स सव्वजगजीववच्छलस्स हिय- कारगमग्गदेसीय अवगिड्ढी विभुप्पभुस्स निणस्स णाणिस्स णायगस्स बुद्धस्स
बोहगस्स सव्वलोगनाहस्स सव्वजगमंगलस्स-निम्ममस्स पवरकुलसमुब्भवस्स, जाईए खत्तियस्स लोगुत्तमस्स जणणी धण्णासी पुण्णासी तं कयत्थासी अम्हेणं देवाणुप्पिए ! अहे लोगवत्थव्वाओ अदिसाकुमारी महत्तरीयाओ भगवओ तित्थयरस्स जम्मणमहिमं करिस्तामो, तेणं तुब्भेहिं ण भीइयव्वं इति कटु,
॥९॥
