________________
३४९
सुन्दरबोधिनी टीका वर्ग ५ अं. १ निषधकुमारवर्णनम् सोचा निसम्म वंदइ नमसइ, वंदित्ता नमंसित्ता एवं वयासी सदहामि णं भंते ! निग्गंथं पावयणं जहा चिनो जाव सावगधम्म पडिवज्जइ, पडिवजित्ता पडिगए । तेणं कालेणं २ अरहओ अरिट्रनेमिस्स अंतेवासी वरदले नामं अणगारे उराले जाव विहरइ । तएणं से वरदत्ते अणगारे निसढं कुमारं पासइ, पासित्ता जायसड़े जाव पज्जुवासमाणे एवं वयासी अहो णं भंते ! निसढे कुमारे इट्टे इट्टरूवे कंते कंतरूवे एवं पिए. मणुन्नए० मणामे मणामरूवे सोमे सोमरूवे पियदसणे सुरूवे । निसढेणं भंते ! कुमारेणं अयमेयारूवे माणुवइडी किण्णा लद्धा किण्णा पत्ता ? पुच्छा जहा सूरियाभस्स, एवं खलु वरदत्ता ! तेणं कालेणं २ इहेव जंबूदीवे दीवे भारहे वासे रोहीडए नामं नयरे होत्था, रिद्धिस्थिमियसमिद्धे०, मेहवन्ने उज्जाणे, मणिदत्तस्स जक्खस्स जक्खाययणे । तत्थ णं रोहीडए नयरे महब्बले नामं राया, पउमावई नामं देवी, अन्नया कयाइ तंसि तारिसगंसि सयणिजसि सीहं सुमिणे, एवं जम्मणं भाणियव्वं जहा महब्बलस्स, नवरं वीरंगओ नामं, बत्तीसओ दाओ, बत्तीसाए रायवरकन्नगाणं पाणिं जाव उवगिजमाणे २ पाउसवरिसारत्तसरयहेमंतवसन्तगिम्हपजते छप्पिं उऊ जहाविभवेणं भुंजमाणे २ कालं गालेमाणे इट्ट सद्दे जाव विहरइ । तेणं कालेणं २ सिद्धत्था नाम आयरिया जाइसंपन्ना जहा केसी नबरं बहुस्सुया बहुपरिवारा जेणेव रोहीडए नयरे जेणेव मेहन्ने उज्जाणे जेणेव मणिदत्तस्स जक्खस्स जक्खाययणे तेणेव उवागया, अंहापडिरूवं जाव विहरति, परिसा निग्गया। तएणं
