________________
जे भिक्खू इहलोइएसु वा रूवेसु परलोइएसु वा रूवेसु दिठेसु वा रूवेसु अदिठेसु वा सेवेमु सुएसु वा स्वेसु वा असएस वा रूवेसु विन्नाएसु वा रूवेमु अविन्नाएसु वा रूवेस सज्जइ रज्जइ गिज्झइ अझोववज्जइ सज्जंतं वा रज्जतं वा गिजातं वा अझोववज्जत वा साइज्जइ ॥ ३० ॥
जे भिक्खू पढमाए पोरिसीए असणं वा पाणं खाइमं वा साइमं वा पडिग्गाहेत्ता पच्छिमं पोरिसिं उवाइणावेड उवाइणावेंतं वा साइज्जइ ॥ ३१॥
जे भिक्खू परं अद्धजोयणमेराओ परेणं असणं वा ४ उवाइणावेइ उवाइणात वा साइज्जइ ॥ ३२ ॥
जे भिक्खू दिया गोमयं पग्गिाहेत्ता दिया कार्यसि वणं आलिंपेज्ज वा विलिंपेज्ज वा आलिपंतं वा विलिपंतं साइज्जइ ।। ३३ ।।
जे भिक्खू दिया गामयं पडिग्गाहेत्ता रत्ति कार्यसि वणं आलिंपेज्ज वा विलिंपेज्ज वा आलिंपंतं वा विलिपंतं वा साइज्जइ ॥३४ ।।
जे मिक्खू रतिं गोमयं पडिग्गाहेत्ता दिया कार्यसि वणं आलिंपेज्ज वा विलिंपेज्ज वा आलिपंतं वा विलिपंतं वा साइज्जइ ॥ ३५ ॥
जे भिक्खू रत्तिं गोमयं पडिग्गाहेत्ता रत्ति कार्यसि वर्ण अलिंपेज वा विलिंपेज्ज वा आलिंपतं वा विलिपंतं वा साइज्जइ ।। ३६ ।।
जे भिक्खू दिया आलेवणजाय पडिग्गाहेत्ता दिया कार्यसि वणं आलिंपेज वा विलिंपेज्ज वा आलिंपतं वा विलिपंतं वा साइज्जइ ॥ ३७॥
जे भिक्खू अन्नउस्थिएण वा गारथिएण वा उवर्हि वहावेइ कहावेतं वा साइज्जह ॥ ४१॥
जे भिक्खू तन्नीसाए असणं वा पाणं वा खाइमं वा साइमं वा देइ देंतं वा साइज्जद ॥ ४२ ॥
जे भिक्खू इमाओ पंच महण्णवाभो महानईओ उदिवाओ गणियाओ बंजियाओ अंतो मासस्स दुक्खुत्तो वा तिक्खुत्तो वा उत्तरइ वा संतरइ वा उत्तरंतं वा संतरंतं वा साइज्जइ । तं जहा- गंगा, जउणा, सरऊ, एरावई, मही-त्ति ॥ ४३ ॥ तं-सेवमाणे आवज्जइ चाउम्मासियं परिहारहाणं अणुग्धाइयं ॥ ४४ ॥
॥निसीहज्झयणे वारसमो उद्देसो समत्तो ॥१२॥
