________________
जे भिक्खू रण्णो खत्तियाणं मुदियाणं मुद्धाभिसित्ताणं उत्तरसालंसि वा उत्तरगिहंसि वा रीयमाणाणं वा असणं वा पाणं वा खाइमं वा साइमं वा पडिग्गाहेइ पडिग्गाहते वा साइज्जइ ॥१६॥
जे भिक्खू रणो खत्तियाणं मुदियाणं मुद्धाभिसित्ताणं हयसालागयाण वा गयसालागयाण वा मंतसालागयाण वा गुज्झसालागयाण वा रहस्ससालागयाण वा मेहुणसालागयाण वा असणं वा पाणं वा खाइमं वा साइमं वा पडिग्गाहेइ पडिग्गाहेंतं वा साइज्जइ ॥१७॥
जे भिक्खू रणो खत्तियाणं मुदियाणं मुद्धाभिसित्ताणं सण्णिहिसण्णिचयाओ खीरं वा दहिं वा णवणीयं वा सप्पिं वा तेल्लं वा गुलं वा खंडं वा सक्करं वा मच्छंडियं वा भोयणजायं पडिग्गाहेइ पडिग्गाहेंतं वा साइज्जइ ॥१८॥
जे भिक्खु रण्णो खत्तियाणं मुदियाण मुद्धाभिसित्ताणं उस्सपिंड वा संसपिंडं वा अणाइपिंडं वा किविणपिंडं वा वणीमगपिंडं वा पडिग्गाहेइ पडिग्गाहेंतं वा साइज्जइ ।। तं सेवमाणे आवज्जइ चाउम्मासियं परिहारहाणं अणुग्घाइयं ॥२०॥
॥ णिसीहज्झयणे अट्ठमो उद्देसो समत्तो ॥८॥
॥नवमोद्देशकः॥ जे भिक्खू रायपिंडं गिण्हइ गिण्हतं वा साइज्जइ ॥१॥ जे भिक्खू रायपिंडं भुंजइ भुंजतं वा साइज्जइ ॥२॥ जे भिक्खू रायंतेपुरं पविसइ पविसंत वा साइज्जइ ॥३॥
जे भिक्खू रायतेपुरियं वएज्जा “आउसो रायतेपुरिए णो खलु अम्हं कप्पइ रायंतेपुरे णिक्खमित्तए वा पविसित्तए वा इमं तुमं पडिग्गहं गहाय रायतेपुराओ असणं वा पाण वा खाइम वा साइम वा अभिहडं आहदटु दलयाहि" जो तं एवं वयइ वयंत वा साइज्जइ ॥४॥
जे भिक्खू नो वएज्जा रायंतेपुरिया वएज्जा "आउसंतो समणा ! णो खलु तुझं कप्पइ रायंतेपुरे निक्खमित्तए वा पविसित्तए वा आहरेयं पडिग्गहं अतो अम्हं रायंतेपुराओ असण वा पाणचा खाइमं वा साइम वा अभिहडं आहटु दलयामि" जो तं एवं वयंतिं पडिमुणेइ पडिसुणेतं वा साइज्जइ ॥५॥
जे भिक्खू रण्णो खत्तियाणं मुदियाणं मुद्धाभिसित्ताणं दुवारियभत्तं वा पसुभत्तं वा भयगभत्तं वा वलिभत्तं वा कयगभत्तं वा हयभत्तं वा गयभत्तं वा कंतारभत्तं वा दुन्भि
