________________
९०३.
प्रमेयबोधिनी टीका पद १६ सू० ७ सिद्धक्षेत्रोपपातादिनिरूपणम् से तं अफुसमाणगती२, से किं तं उपसंपज्जमाणगती ? उवसंपज्जमाणगती जं णं रायं वा जुवरायं वा ईसरं वा तलवरं वा माडंवियं वा कुडुं.. वियं वा इन्भं वा सिद्धिं वा सेणावई वा सत्थवाहं वा उपसंपजित्ताणं गच्छइ, से तं उवसंपज्जमाणगती३, से किं तं अणुवसंपज्जमाणगती? अणुवसंपज्जमाणगती-जं णं एएसिं चेव अण्णमणं अणुसंपजित्ताणं गच्छइ, से तं अणुवसंपज्जमाणगती४, से किं तं पोग्गलगती ? पोग्गलगती जं णं परमाणुपोग्गलाणं जाव अणंतपएसियाणं खंधाणं गती पव्वत्तइ से तं पोग्गलगती५, से किं तं मंड्रयगती ? मंडूयगती-जं णं मंडूओ फिडित्ता गच्छइ. से तं मंडूयगती६, से किं तं णावागती ? जं णं णावा पुत्ववेतालीओ दाहिणवेयालिं जलपहेणं गच्छइ, दाहिणवेतालीओ वा अवरवेतालिं जलपहेणं गच्छइ, से तं णावागती७, से किं तं णयगई ? णयगई ज णं णेगम संगहववहारउज्जुसुयसहसमभिरूढएवंभृयाणं नयाणं जा गती अहवा सव्वणया वि जं इच्छंति से तं णयगती८, से किं त छायागई ? छायागई जं णं हयछायं वा, गयछायं वा, नरछायं वा, किण्णरछायं वा, महोरगछायं वा, गंधव्वछायं वा, उसहछायं बा, रहछायं वा, छत्तछायं वा, उपसंपजित्ताणं गच्छइ, से तं छायागई९ से किं तं छायाणुवायगई ? छायाणुवायगई-जे णं पुरिसं छायाअणुगच्छइ नो पुरिसे छायं अणुगच्छइ से तं छायाअणुवायगई१०, से किं तलेस्सागई-जं णं किण्हलेस्सा नीललेस्सं पप्प ता रूवत्ताए ता वण्णत्ताए ता गंधत्ताए ता रसत्ताए ता फासत्ताए भुजो भुजो परिणमइ, एवं नीललेस्सा काउलेस्सं पप्प ता स्वत्ताए जा ताफासत्ताए परिणमइ, एवं काउलेस्सा वि तेउलेस्सं तेउलेस्सा वि पम्हलेसं पम्हलेस्सा वि सुक्कलेस्सं पप्प ता रूवत्ताए जाव परिणमइ, से तं लेसागई११, से किं तं लेसाणुवायगई ? लेसाणुवायगई जल्लेसाइं दवाई परियाइत्ता कालं करेइ तल्लेसेसु उववज्जइ, तं जहा-किण्हलेसेसु वा
