________________
भगवतीयो उववज्जति. जहेव असन्नि। तेसि णं भंते! जीवाणं सरीरगा किं संघयणी पन्नत्ता ? गोयमा ! छव्विहसंघयणी पन्नत्ता तं. जहा वइरोसभनारायसंघयणी, उसमनारायसंघयणी जाव छेवदृसंघयणी । सरीरोगाहणा जहेव असन्नीणं जहन्नेणं अंगुलस्स असंखेज्जइभागं उक्कोसेणं जोयणसहस्सं। तेसि णं भंते! जीवाणं सरीरगा कि संठिया पन्नत्ता ? गोयमा! छविहसंठिया पन्नत्ता, तं जहा समचउरंस०र निग्गोह०२ जाव हुंड०६। तेसि णं भंते! जीवाणं कइलेस्साओ पन्नत्ताओ? गोयमा! छल्लेस्साओ पन्नत्ताओ तं जहा-कण्हलेस्ला जाव सुकलेस्सा। दिदी तिविहा वि। तिन्नि नाणा तिन्नि अन्नाणा भयणाए । जोगो तिविहो वि। सेसं जहा असन्नीणं जाव अणुबंधो, गवरं पंचसमुग्घाया आदिल्लगा। वेदो तिविहो वि। अवसेसं तं चेव जाव, से णं भंते ! पज्जत्तसंखेज्जवासाउय सन्निपंचिंदियतिरिक्खजोणिए रयणप्पभा पुढवी नेरइए, पुणरवि पज्जत्तसंखेज्जवासाउय सन्नि पंचिंदियतिरिक्खजोणिए ति केवइयं कालं सेवेज्जा केवइयं कालं गइरागई करेज्जा? गोयमा! भवादेसेणं जहन्नेणं दो भवग्गहणाई उक्कोसेणं अटुभवग्गहणाई। कालादेसेणं जहन्नेणं दसवाससहस्साई अंतोमुहुत्तमन्भहियाई, उक्कोसेणं चत्तारि सागरोवमाइं चउहिं पुवकोडीहिं अब्भहियाई.एवइयं कालं सेवेजा, एवइयं कालं गइरागई करेजा ?।
