________________
४०१
प्रमेयवन्द्रिकादीका श०९३०३३१०४ जमालिवक्तव्यनिरूपणम् धरिजमाणेणं महया अडचडकरपहकरवंदपरिक्खित्ते खत्तिय कुंडग्गामं णयरं मझं मज्झेणं निग्गच्छइ निग्गच्छित्ता जेणेव माहणकुंडग्गामे नयरे जेणेव बहुसालए चेइए, तेणेव उवागच्छइ, उवागच्छित्ता तुरए निगिण्हेइ, निगिण्हित्ता रहं ठवेइ, ठवित्ता रहाओ पच्चोरुहइ, पच्चासहिता पुप्फतंबोला उहमाइयं वाहणाओ य विसज्जेइ, विसज्जित्ता एगसाडियं उत्तरासंगं करेइ, करिता अंजलिमउलियहत्थे जेणेव समणे भगवं. महावीरे, तेणेव उवागच्छइ, उबागच्छित्ता समणं भगवं महावीरं तिक्खुत्तो आयाहिणपयाहिणं करेइ, करित्ता, तिक्खुत्तो तिक्खुत्तो जाव तिविहाए पज्जुवासणाए पज्जुवासइ, तएण समणे भगवं महावीरे जमालिस्स खत्तियकुमारस्स तीसेय महइमहालियाए इसिजाव धम्मकहा जाव परिसा पडिगया । तएणं से जमाली खत्तियकुमारे समणस्त भगवओ महावीरस्त अंतिए धम्मं सोच्चा, निसम्म हह जाव उटाए उट्टेइ, उट्टाए उद्वित्ता समणं भगवं महावीरं तिखुत्तो जाव नमंसित्ता एवं वयासी-सदहामिणं भंते! निरगंथं पावयणं, पत्तियामि भंते ! निग्गंथं पावयणं रोएमि गं अंते ! निग्गंथं पावयणं अब्भुमि ण भंते ! निग्गंथं पावयणं एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! जाव से जहेयं तुब्भे वदह, जं नवरं देवाणुप्पिया ! अम्मापियरो आपुच्छामि, तए णं अहं देवाणुप्पियाणं अंतियं मुंडे भवित्ता अगाराओ अणमारियं पवयामि, अहासुहं देवाणुप्पिया ! मा पडिबंधं करेह ॥ सू० ४ ॥
भ०-५१
