________________
प्रमयन्द्रिकाटी०स०९३०३३सू०१ ऋषभदत्तनिर्वाणवर्णनम् ६५७ लिहियसिंगेहिं जंबूणयामयकलावजुत्तपरिविसिट्रएहिं रयया. मयघंटासुत्तरज्जुयपवरकंचणनत्थपरगहोग्गहियएहिं नीलप्पेलकयामेलएहिं पवरगोणजुवाणएहिं णाणामणिरयणघंटियाजाल. परिगयं सुजायजुगजोत्तरज्जुयजुगपसत्थसुविरइयनिम्मियं पवरलक्खणोववेयं । (ग्रन्थानम् ६०००) धम्मियं जाणप्पवरं जुत्तामेव उवटवेह उववित्ता मम एयमाणत्तियं पञ्चप्पिणह। तएणं ते कोडुंबियपुरिसा उसभदत्तेणं माहणेणं एवं वुत्ता लमाणा हट्ट जाव हियया करयल जाव कटु एवं सामी ! तहत्ति आणाए विणएणं वयणं पडिसुणेइ, पडिसुणेत्ता खिप्पामेव लहुकरणजुत्तजाव धम्मियं जाणप्पवरं जुत्तामेव उवटवेत्ता जाव तमाणत्तियं पञ्चप्पिणंति । तए णंसे उसभदत्ते माहणे पहाए जाव अप्पमहग्घाभरणालंकियसरीरे साओ गिहाओ पडिनिक्खमइ, पडिनिक्खमित्ता जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छइ, उवागच्छित्ता धम्मियं जाणप्पवरं दुरूढे । तएणं सा देवाणंदा माहणी अंतो अंतेउरंसि पहाया कयबलिकम्मा कयकोउयमंगलपायच्छित्ता, किंच वरपादपत्तनेउरमणि मेहलाहारविरइयउचियकडगखुड्डायएकावलीकंठसुत्तउ. रस्थगेवेजसोणिसुत्तंगनाणामणिरयणभूसणविराइयंगी चीणं. सुयवस्थपवरपरिहिया दुगुल्लसुकुमाल उत्तरिजा सव्वोउयसुरभिकुसुमवरियसिरया वरचंदणचविया वराभरणभूसियंमी कालागुरुधूवधूविया, सिरिसमाणवेसा जाव अप्पमहग्घाभरणालंकिय
