________________
७२५
-
प्रमेयचन्द्रिका टीका श. ७ उ. ९ सू. ५ वरुणनागनप्तृकवर्णनम् सरहं जुत्तामेव उवटावेह, हय-गय-रह-जाव सन्नाहेत्ता मम एवं आणत्तियं पञ्चप्पिणह । तए णं ते कोडंबियपुरिसा जाव पडि सुणेत्ता, खिप्पामेव सच्छत्तं सज्झयं जाव उवटाति, हय-गयरह-जाव सन्नाति, सन्नाहित्ता जेणेव वरुणे नागनत्तुए जाव पञ्चप्पिणंति । तए णं से वरुणे नागनत्तुए जेणेव मजणघरे तेणेव उवागच्छइ, जहा कणिओ जाव-पायच्छित्ते सव्वालंकारविभूसिए, सन्नद्धबद्धवम्मियकवए उप्पीलियसरासणपट्टिए पिणद्धगेविजए विमलवरबद्धचिंधपट्टे गहियाउहप्पहरणे सकोरंटमल्लदामेणं छत्तेणं धरिजमाणेणं चउचामरबालवीइयंगे मंगलजयसदकयालोए मज्जणघराओ पडिणिक्खमइ, परिणिक्खमित्ता अणेगगणनायग-जाव दूयसंधिवालसद्धिं संपरिखुडे, जेणेव बाहिरिया उवहाणसाला, जेणेव चाउग्घंटे आसरहे तेणेव उवागच्छइ, उवागच्छित्ता चाउग्घंटं आसरहं दुरुहइ, दुरुहित्ता, हय-गय-रहजावसंपरिखुडे, महयाभड-चडगर-जाव परिक्खित्ते जेणेव रहमुसले संगामे तेणेव उवागच्छइ, उवागच्छित्ता रहमुसलं संगामं
ओयाओ। तए णं से वरुणे णागणतुए रहमुसलं संगामं ओयाए समाणे अयमेयारूवं अभिग्गहं अभिगेण्हइ-कप्पड़ मे रहमुसलं संगाम संगामेमाणस्स जे पुर्वि पहणइ से पडिहणित्तए, अवसेसे णो कप्पइत्ति, अयमेयारूवं अभिग्गहं अभिगेण्हइ, अभिगेण्हित्ता रहमुसलं संगामं संगामेइ, तएणं तस्स वरुणस्स नागनत्तुयस्स रहमुसलं संगामं संगामेमाणस्स एगे पुरिसे सरिसए
