________________
(૧૬૩)
દુષ્કર વ્રતો પણ વિધિથી પાળું, સંશય સર્વે ટાળું, તોય પીંપળ-પાન સમ મન ચંચળ, તેથી ન સિદ્ધિ ભાળું. હે ! ગુરુરાજ.
૧૫ કલ્યાણ કેમ નથી થતું –
બાહ્ય પદાર્થો ઈચ્છી ભટકતું, દોદશ ઝાંવાં મારે, આકુળ વ્યાકુળ નિત્ય કરે નકામું, જ્ઞાન સ્વરૂપ આત્માને; સંસાર-વર્ધક કર્મ-સખા મન, ઈન્દ્રિય ગામ વસાવે, જીવે એવું મન ત્યાં સુધી ક્યાંથી, સંયમી, કલ્યાણ પાવે. હે! ગુરુરાજ.
૧૬ મન મરે શાથી ?
શુદ્ધ જ્ઞાની પ્રભુ, આપ સમીપે, આવતાં મનડું મરે, વિવિધ વિકલ્પોભર્યું સદા દૂર, બાહેર આપથી ફરે; મોહવશે કોણ ડરે ન મોતે ? મોહ અહિત કરનારો, યાચના એટલી સ્વામી અમારી, મોહ અમારો મારો. હે ! ગુરુરાજ.
૧૭ મરણના ભયનું કારણ
મોહ બહુ બળવાન સર્વે કર્મોમાં, ડર મરવાનો એના પ્રભાવે, ચંચળતા મનની પણ તેથી, દોદશ ભટકે વિભાવે; મોહ વિના નહિ જીવે મરે કો, જોઈ પર્યાયથી જગલીલા, દ્રવ્ય દૃષ્ટિથી ન નાશ ઉત્પત્તિ, નાથ નિત્યતા સંગ રસીલા, હે ! ગુરુરાજ.
૧. કર્મોનો પરમ મિત્ર. ૨. આ જગતના અનેક પ્રકારો તે પર્યાય નયની અપેક્ષાએ છે. ૩. દ્રવ્યાર્થિક નયની અપેક્ષાએ. હે ભગવાન ! આ મારા મોહનો સર્વથા નાશ કરો.
