Page Text
________________
શ્રી સુપાર્શ્વનાથ ભગવાનનો જન્મ થયેલ છે. આ સ્થળે ભગવાનના ચાર કલ્યાણક થયેલ છે. રહેવા માટે ભેલુપુર રહેવું સગવડભર્યું છે. ૧૫. શ્રી પુરિમતાલ તીર્થ
મૂળનાયક : શ્રી આદીશ્વર ભગવાન, શ્વેત વર્ણ, પદ્માસનસ્થ.
તીર્થસ્થળ : અલ્હાબાદ શહેરમાં આવેલ આ સ્થળે ભગવાન શ્રી આદીશ્વરને અહીં કેવલજ્ઞાન પ્રાપ્ત થયેલ હતું. માતા મરૂદેવી અહીં કેવલજ્ઞાન પામી મોક્ષે સિધાવ્યાં. વર્તમાન અવસર્પિણી કાળમાં મોક્ષ પામનાર મરૂદેવીમાતાજી પ્રથમ હતાં. આ પ્રાચીન નગરીનું ઘણું મહત્ત્વ છે. અહીં ગંગા, જમુના તથા સરસ્વતીનો ત્રિવેણી સંગમ છે. નગરપાલિકા સંચાલિત સંગ્રહાલયમાં પ્રાચીન જૈન ક્લાકૃતિઓનો સંગ્રહ જોવા મળે છે. રેલવે સ્ટેશનથી ૪ કિ.મી.ના અંતરે છે. ધર્મશાળા છે.
૧૬. શ્રી પોષા તીર્થ મૂળનાયક: શ્રી પદ્મપ્રભુ ભગવાન, બદામી વર્ણ, અર્ધપદ્માસનસ્થ.
તીર્થસ્થળ : દિગંબર માન્યતા અનુસાર શ્રી પદ્મપ્રભું ભગવાનની દીક્ષા તથા કેવલજ્ઞાન અહીં થયેલ છે. આ પ્રતિમાજી કૂવામાંથી પ્રાપ્ત થયાં હતાં અને અતિ પ્રાચીન તથા ચમત્કારિક છે. પ્રભુપ્રતિમાનો રંગ સવારથી સાંજ સુધી બદલાતો રહે છે. નજીકનું રેલવે સ્ટેશન અલ્હાબાદ ૮૦ કિ.મી. છે. મનોરી, મંજનપુર, ટેવા થઈ પભોષા ગામે જઈ શકાય છે. કૌશામ્બીથી પાલી થઈ ૮ કિ.મી. દૂર બિલકુલ કાચો રસ્તો છે. આ સ્થળ પહાડ ઉપર છે અને થોડાં પગથિયાં ચઢીને જવું પડે છે.
૧૭. શ્રી કૌશામ્બી તીર્થ
મૂળનાયક: શ્રી પદ્મપ્રભુ ભગવાન, શ્વેત વર્ણ, પદ્માસનસ્થ.
તીર્થસ્થળ : શ્વેતાંબર માન્યતા અનુસાર છઠ્ઠા શ્રી પદ્મપ્રભુ ભગવાનના ચાર કલ્યાણક ચ્યવન, જન્મ, દીક્ષા તથા કેવલજ્ઞાન અહીં થયેલ છે. ભગવાન મહાવીર સ્વામીનો આ નગરી જોડે સંબંધ રહેલો છે. ભગવાને અહીં સતી ચંદનબાલા પાસેથી કઠિન અભિગ્રહ પૂર્ણ થતાં પારણાં કર્યાં હતા. આ એક વિરાટ પ્રાચીન નગરી હતી અને આજે પણ ઘણા અવશેષો મળી આવે છે. અલ્હાબાદ ૬૪ કિ.મી. છે. કોશલ ગામે આવેલું આ સ્થળ સરાયઅકીલથી ૪૨ કિ.મી. કૌશામ્બી ગેસ્ટહાઉસથી ૨૦ કિ.મી. જેટલા અંતરે છે. ધર્મશાળા
છે.
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |