Page Text
________________
૯૩
ધર્મશાળા છે. નાગપુરથી લગભગ ૫૦ કિ.મી.ના અંતર રામટેક રેલવે સ્ટેશન આવેલ છે.
૯. શ્રી અંતરિક્ષ પાર્શ્વનાથ તીર્થ
મૂળનાયક: શ્રી અંતરિક્ષ પાર્શ્વનાથજી, શ્યામ વર્ણ, પદ્માસનસ્થ. તીર્થસ્થળ : શ્વેતાંબર માન્યતા પ્રમાણે આ પ્રતિમાજી શ્રી રાવણ રાજાના બનેવી શ્રી રાજા ખરદુષણ દ્વારા નિર્મિત છે. એમને પૂજભક્તિ પછી ભોજન લેવાનો નિયમ હતો. સરતચૂકથી એક વિહાર દરમ્યાન પૂજા માટે પ્રતિમાજી લેવાનું ભુલાઈ જવાથી પૂજા નિમિત્તે રેતી અને ગોબરથી આ પ્રતિમાજી બનાવેલ હતાં. પાછા ફરતી વખતે નજીકના જલકુંડમાં આ પ્રતિમાજી વિસર્જિત કરેલ. વિ. સં. ૧૧૪૨માં પ્રગટ થયા પછી, આ પ્રતિમાજી સ્થાનથી અધ્ધર રહેતાં હતાં અને હજી પણ એ સ્થિતિમાં છે. શીરપુર ગામે આ સ્થળ આવેલ છે. નજીકનું ગામ વાસિમ છે. આકોલાથી ૭૨ કિ.મી.ના અંતરે છે. ભોજનશાળા અને ધર્મશાળાની સગવડો છે.
૧૦. શ્રી ગજપંથ તીર્થ
મૂળનાયક: શ્રી પાર્શ્વનાથ ભગવાન, શ્યામ વર્ણ, અર્ધપદ્માસનસ્થ.
તીર્થસ્થળ : નાસિક શહેર નજીક લગભગ ૭ કિ.મી.ના અંતરે મસલ ગામની એક ટેકરી ઉપર આ એક પ્રાચીન તીર્થ આવેલ છે. તળેટીથી મંદિર સુધી લગભગ દોઢ કિ.મી.નું ચઢાણ છે.
૧૧. શ્રી માંગીનુંગી તીર્થ
મૂળનાયક: શ્રી આદીશ્વર ભગવાન, અર્ધપદ્માસનસ્થ.
તીર્થસ્થળ : ઉત્તર મહારાષ્ટ્રમાં તાહરાબાદ નામના ગામથી ૧૦ કિ.મી. દૂર ગાલના નામના એક ઊંચા પહાડ ઉપર આ તીર્થ આવેલ છે. ઉપર જવા લગભગ ૩૫૦ પગથિયાં ચઢવાં પડે છે. પહાડનાં બે શિખરો માંગી અને તુંગી નામે પ્રસિદ્ધ છે. અહીં અતિ પ્રાચીન ઐતિહાસિક કલાકૃતિઓ જોવા મળે છે. શ્રી રામચન્દ્રજી, શ્રી હનુમાનજી, શ્રી કૃષ્ણજી આ જગ્યાએથી નિર્વાણ પામેલ છે. અતિ પ્રાચીન, મહત્ત્વનું સ્થળ છે. નજીકમાં જ ધર્મશાળાની સગવડ છે. પહાડ માટે ડોળી મળી રહે છે. મનમાડ લગભગ ૧૦૦ કિ.મી. તથા નવાપુર લગભગ ૮૦ કિ.મી.ના અંતરે છે.
| SR No. | 009222 |
| Book Title | Tare Te Tirth |
| Original Sutra Author | N/A |
| Author | Jitendra T Dedhia |
| Publisher | Mahendra Kanji Gosar |
| Publication Year | |
| Total Pages | 126 |
| Language | Gujarati |
| Classification | Book_Gujarati |
| File Size | 4 MB |