Page Text
________________
ભમતાં ભમતાં જરાકુમારે શ્રીકૃષ્ણને આ પ્રમાણે સૂતેલા જોયા જેથી તેણે મૃગની બુદ્ધિથી તેમના ચરણતળમાં તીક્ષ્ણ બ
પુણ્ય પરવારે ત્યારે ત્રિખંડાધિપતિ શ્રીકૃષ્ણ ! મહાભારતના યુદ્ધમાં પાંડવોને વિજય અપાવવામાં સૌથી મોટો ફાળો નોંધાવનાર શ્રીકૃષ્ણ ! દેવો જેનું સાન્નિધ્ય કરે, રાજાધિરાજો જેના ચરણો ચૂમે તે શ્રીકૃષ્ણ !
જેની દ્વારિકાને રાતોરાત દેવોએ રચી આપી તેવી દેવનગરી જેવી સમૃદ્ધ દ્વારિકાના સ્વામી શ્રીકૃષ્ણ !
પણ હાય ! તેમનું ય એક દિ' પુણ્ય પરવારી ગયું અને ત્યારે તેમણે જ બોલવું પડ્યું કે, “નપુંસક જેવા મને ધિક્કાર છે કે હું કાંઈ જ કરી શકતો નથી.'
હાય ઘોડાની લગામે ય તૂટી ગઈ. રથનું પૈડું ભાંગી ગયું. માબાપને જિવાડી ન શકાયા. બળદેવને સોનાનું કડું વેચવું પડ્યું ત્યારે જ એક ટંકનું ખાવાનું મળ્યું. તરસ લાગી અને પાણી ન મળ્યું ત્યાં મોત ભેચ્યું. બાણથી વીંધાવું પડ્યું.
પુણ્ય પરવાર્યું ત્યારે ભૂખ્યા થયેલા મહારાણા પ્રતાપને એક રોટલા માટે ભિખારી પાસે યાચના કરવી પડી અને દયાથી ભિખારી રોટલો દેવા ગયો તો બાજપક્ષી ચીલઝડપથી તેને ઉઠાવી ગયો. પ્રતાપની આંખે આંસુ ધસી આવ્યા.
પુણ્ય પરવાર્યું ત્યારે એકત્રીસ તોપોથી અંગ્રેજ હાકેમો દ્વારા સલામી પામતા ભારતના રાજાધિરાજોની રાજાશાહી ખતમ થઈ. સાલિયાણાં ય ઝૂંટવાઈ ગયા.
પુણ્ય પરવાર્યું ત્યારે રાયબરેલીમાં એક જોકર જેવા રાજનારાયણના હાથે ઇંદિરા ગાંધીનો ઘોર પરાજય થયો.
પુણ્ય પરવાર્યું ત્યારે બ્રહ્મદત્ત ચક્રવર્તીની આંખોને કોઈ ભિખારીએ ફોડી નાંખી. આંધળો ચક્રવર્તી રિબાઈ રિબાઈને મર્યો !
પુણ્ય પરવાર્યું ત્યારે અતિ રૂપવાન સનત ચક્રવર્તીના દેહમાં રાડ બોલાવી દે તેવા સોળ મહારોગોએ પ્રવેશ કર્યો અને સાતસો વરસના ધામા નાંખી દીધા.
પુણ્ય પરવાર્યું ત્યારે અબજોપતિ માઘ રોટલા માટે ટળવળવા લાગ્યો. આવેલા યાચકને કશું ન દઈ શકવાથી લાગેલા આઘાતમાં જ તરફડીને મરી ગયો !
પુણ્ય પરવાર્યું ત્યારે અજયપાળ રાજા કૂતરાથી પણ ભૂંડા મોતે ગટરની ખાળમાં રિબાઈને મરણ પામ્યો.
પુણ્ય પરવાર્યું ત્યારે ભારતની સાથે એક હજાર વર્ષ સુધી યુદ્ધ ખેલવાના કસમ ખાઈ ચૂકેલા પાકિસ્તાનના પ્રમુખ ભુટ્ટોને તેના જ નોકર ઝિયાએ ફાંસીના માંચડે લટકાવી દીધો.
પુણ્ય પરવાર્યું ત્યારે વીસ અબજ ડોલરનો માલિક હાર્વર્ડ હ્યુજીસ એક હોટલમાં એકલો મરી ગયો. પેલા ગાયકવાડ ! ભયાનક ગંધ મારતા શરીરમાં દિવસો સુધી રિબાઈને મર્યા અને પેલા પરદુઃખભંજક ગોંડલનરેશ કરુણ રીતે સહુથી ત્યજાઈને હૉસ્પિટલના ખાટલે એકાકી મર્યા.
પુણ્ય પરવાર્યું ત્યારે દુર્યોધનની સાથળના હાડકાંના ચૂરેચૂરા થયા, એ સ્થિતિમાં તળાવના કિનારે કલાકો સુધી પડી રહીને હતાશાના નિસાસા નાંખતો મર્યો !
ધર્મ તો મારો સ્વભાવ છે
૧૯૯
જૈન મહાભારત ભાગ-૨
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |