Page Text
________________
થઈ ગઈ હતી !
દેવીઓ સ્વરૂપે પ્રગટ થઈ. રાજા પ્રતિજ્ઞાપાલનની દઢતાની ખૂબ અનુમોદના કરીને વિદાય
થઈ.
‘પ્રાણ જાય અરુ વચન ન જાઈ.’ ઓ તુલસી મહારાજ ! રામાયણના રામ જ આવા ન હતા. મહાભારતના ભીષ્મો, યુધિષ્ઠિરો અને કર્ણો પણ આવા હતા હોં !
આ દેશના રાજાઓ, ચોરો, બહારવટિયા ય મહાન આ દેશના રણયોદ્ધાને ય પ્રતિજ્ઞા ! આ દેશના જોગીદાસ ખુમાણો, બહારવટિયાઓ ય બ્રહ્મચારી ! આ દેશના ચોરો ય ચોરીના ઘરમાં ભૂલથી નિમક ખાઈ જવાય તો પાછા નીકળી જતા નિમકહલાલો ! આ દેશની રૂપકોશા ગણિકાઓ અને નમુંજલા નર્તકીઓ પણ શીલનું યથાશક્ય વધુમાં વધુ પાલન કરતી સન્નારીઓ ! આ દેશમાં પુત્રોને પણ તેમના અપરાધે સજા ફટકારી દેવામાં જરાય પાછા ન પડતાં શિવાજી, યોગરાજ વગેરે ન્યાયી રાજાઓ !
હાય, અને આજે ? જાણે ક્યાંય કોઈ પ્રકાશ દેખાતો નથી. અમારા સજ્જનો ! શાહુકારો ! વ્રતધારીઓ ! ધર્માત્માઓ ! ભલે, બગાડ હોય પાંચ જ ટકાનો ! પણ નથી જોવાતો, નથી સહેવાતો. સદાની ઊજળી ચાદરે એકાદ પણ ડાઘ-નાનો ય-શા માટે ?
મુનિની ભવિષ્યવાણીને યાદ કરાવતા વિધાધરો સારથિ સાથેની પિતામહની વાત જ્યાં પૂરી થઈ કે તરત આકાશમાંથી વિદ્યાધરોની વાણી પ્રગટ થઈ. તેમણે કહ્યું, “ભીષ્મ ! તારી બાળવયને યાદ કર. પેલા મુનિચન્દ્ર નામના ગુરુદેવ તારા માટે જે ભાખી ગયા છે તે વીસરીશ નહિ.”
આ આકાશવાણી સાંભળીને દુર્યોધને પિતામહની પાસે આવીને તે વાણીનો અર્થ સમજાવવા વિનંતી કરી.
મુનિની વાણીનો મર્મ સમજાવતા ભીષ્મ પિતામહે દુર્યોધનને પોતાનો બાલ્યકાળ જણાવ્યો. તેમણે કહ્યું કે, “ચારણમુનિઓના સતત સત્સંગથી હું પાંચેય વ્રતોને યથાશક્તિ ધારણ કરતો હતો. મેં પિતાજીની સત્યવતી નામની કન્યા સાથે લગ્ન કરવાની ઈચ્છા પૂર્ણ કરવા માટે આજીવન બ્રહ્મચર્ય વ્રત સ્વીકાર્યું હતું. દુર્યોધન ! મને કોઈ પણ વખત સ્ત્રી પ્રત્યે કામવાસના જાગી નથી. દુર્યોધન ! આ બધું બીજાને બહુ કઠિન લાગશે પણ મને લાગે છે કે જૈનધર્મને જે બરોબર સમજ્યો હોય તેના માટે આ જરાય કઠિન નથી. મને સ્ત્રી ભૃણવત્ જ દેખાઈ છે. મુનિ ભગવંતોની કૃપાથી હું હંમેશ દેવપૂજા, ગુરુસેવા, તપ, સ્વાધ્યાય અને સંયમમાં તત્પર રહેતો હતો.
એક દિવસ મુનિચન્દ્ર નામના જ્ઞાની ગુરુનો મેળાપ થયો. દુર્યોધન! હું આટલો ધર્મ કરતો હતો છતાં મને એથી કદી સંતોષ ન હતો. મને ખબર હતી કે સર્વસંગનો પરિત્યાગ કરીને તારક તીર્થંકરદેવોએ ફ૨માવેલી ભાગવતી પ્રવ્રજ્યા અંગીકાર ન કરાય તો માનવભવ પૂરી સફળતા ન જ પામે. આથી હું હંમેશ એક વાતની ચિંતા કરતો હતો કે એ મહામંગલકારી ભાગવતી પ્રવ્રજ્યા મને મળશે કે નહિ ? આ ચિંતા મેં એ ગુરુદેવ પાસે રજૂ કરી. તેમણે મારો સમગ્ર ભાવિ જીવન-વૃત્તાન્ત જણાવતાં છેલ્લે કહ્યું કે જ્યારે કુરુક્ષેત્રની ભૂમિ ઉપર યુદ્ધ લડતાં દસમો દિવસ આવશે ત્યારે અર્જુનના અગણિત બાણો તારા શરીરમાં ભોંકાઈ ગયા હશે. તે વખતે તારું આયુષ્ય એક વર્ષનું બાકી હશે. ત્યારે મારા શિષ્ય ભદ્રગુપ્તાચાર્ય પાસે તું અવશ્ય ભાગવતી પ્રવ્રજ્યા લઈશ, સુંદર આરાધના કરીને બારમા ધર્મ તો મારો સ્વભાવ છે
જૈન મહાભારત ભાગ-૨
૧૩૪
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |