________________
૧૪૮
બાર પ્રકારની હિંસાઓ
જીવનના સુખનું અનોખું રહસ્ય
- નટુભાઈ ઠક્કર
(સંદેશ તા. ૨૭જૂન ૮૫) અમેરિકા દેશ. એનું ટેક્ષાસ પરગણું. એનું સાન એન્ટોનીયો શહેર.
એ શહેરની ધરતી ઉપર શનિ-રવિની રજાઓ ગાળવા,ફરવા, સંગ્રહસ્થાનો અને પ્રાણી-સંગ્રહાલયો જોવાં, એનાં તળાવો ને કેનાલોમાં બોટીંગ કરવા, સ્કાયલાર્ક રાઈડોમાં ઘૂમવા અનેક પ્રજાઓ અહીં આવે છે. શનિ-રવિની રજાઓને અમેરિકામાં વસતી જગતભરની પ્રજાઓ અને મૂળ અમેરિકનો તમામ વિક-એન્ડ કહે છે. એ વિકએન્ડ ગાળવા આ સાન એન્ટોનીયો નગરમાં હું પણ મારા પરિવારની સાથે આવ્યો છું.
રવિવારની સવાર. વિક-એન્ડ ગાળવા રળિયામણું સ્થળ.
ત્રણ માઈલ જેટલા લાંબા પાર્કીગ પ્લોટમાં ખડકાયેલી વિવિધ જાતની, વિવિધ ભાતોવાળી ગાડીઓ આ દેશની ભૌતિક સંપત્તિની ગવાહી પૂરે છે. ગાડીમાંથી ઊતરેલો અમેરિકન કે અમેરિકામાં વસતો ભારતીય ક્ષણે ક્ષણે ક્રેઝી (અકળાઈ ઊઠનારો) બની જતો હોય છે. ગાડીની ડીકીમાંથી બે પૈડાવાળી બેબી ગાડી કાઢી એના બાળકને એમાં બેસાડી પટ્ટા ચડાવી દઈ હલાવવા માંડે છે ને બાળક સહેજ આઘુંપાછું થાય તોયે અકળાઈ ઊઠે છે. બાળકોના ઉછેરની પદ્ધતિ પણ વૈભવમાં સમાઈ જતી હશે એમ કદાચ એ માનતો હશે.
સાન એન્ટોનીયો. રળિયામણી ભૂમિ.
એ ભૂમિ પર વિક-એન્ડ ગાળવા આવેલા ઢગલાબંધ માણસો. મારા પરિવારના સભ્યો એકાદ મહિનો અમેરિકામાં ગાળવા ગયેલા. મને પણ અહીં ફરવા લઈ આવ્યા છે. દીકરી-જમાઈ અને દીકરો-દીકરી ચારે સામસામા થાંભલા પર બાંધેલાં ઈલેક્ટ્રીક દોરડા પર ઘૂમતી સ્કાયલેબ રાઈડમાં રાઈડ લઈને ઘૂમી રહ્યાં છે અને હું તથા પત્ની એક સારો બાંકડો શોધીને એના પર બપોરનો વિસામો લેતાં બેઠાં છીએ. અહીંનાં વેધર(હવામાન)નું કોઈ ઠેકાણું નથી. તડકો લાગતો હોય ત્યાં પવનના સુસવાટો
