________________
(૮૯ પખવાડિયા) પસાર થયા ત્યારે ચોથો આરો પૂર્ણ થયો. અને પાંચમા આરાની શરૂઆત થઈ, જે હાલ ચાલી રહ્યો છે.
અવસર્પિણીકાળના છ આરામાંના પહેલા આરાનું નામ છે સુષમસુષમ, આ આરામાં સુખ-સુખ ને સુખ હોય. મનુષ્યોનું આયુષ્ય ત્રણ પલ્યોપમ હોય. ઊંચાઈ ૩ ગાઉ હોય. દર ત્રણ દિવસે એક જ વાર ભૂખ લાગે, અને તે પણ માત્ર તુવેરના દાણા જેટલા ખોરાકથી શાન્ત થઈ જાય. આ પ્રથમ આરો ચાર કોડાકોડી સાગરોપમ કાળનો હોય છે. તે પૂર્ણ થતાં બીજો આરો શરૂ થાય છે.
આ બીજા આરાનું નામ છે સુખમ. આ આરામાં પુષ્કળ સુખ હોય છે. અવસર્પિણીકાળ હોવાના કારણે બધું ઘટતું હોવાથી આ આરામાં આયુષ્ય બે પલ્યોપમ અને ઊંચાઈ ૨ ગાઉ હોય છે. દર બે દિવસે એકવાર તેમને ભૂખ લાગે છે. જે બોર જેટલો ખોરાક લેવાથી શાન્ત થઈ જાય છે. આ બીજો આરો ત્રણ કોડાકોડી સાગરોપમ કાળનો હોય છે.
તે પૂર્ણ થતાં ત્રીજો આરો સુષમ-દુઃખમ નામનો શરૂ થાય છે જે બે કોડાકોડી સાગરોપમનો હોય છે. જેમાં વધારે સુખ અને ઓછું દુઃખ હોય છે. માનવોનું આયુષ્ય ઘટતાં ઘટતાં એક પલ્યોપમનું અને ઊંચાઈ એક ગાઉ જેટલી હોય છે. દર એક દિવસ પસાર થયે ભૂખ લાગે છે, જે આમળા જેટલો આહાર કરવાથી શાન્ત થાય છે.
આ ત્રણે આરાના કાળને યુગલિકકાળ કહેવાય છે. કારણ કે તેમાં (પુરુષ-સ્ત્રીનું) યુગલ સાથે જન્મે છે – જીવે છે અને મરે છે.
બાળક - બાળકી રૂપે તેમનો જન્મ થાય છે. જન્મતાં પીડા અનુભવવી પડતી નથી. દસ પ્રકારનાં કલ્પવૃક્ષો પાસેથી ઈચ્છિત ચીજવસ્તુઓ પ્રાપ્ત થાય છે. તે મેળવવા કોઈ મહેનત કરવી પડતી નથી. નોકરી-ધંધા હોતા નથી. પોતાનું પૂર્ણ આયુષ્ય સુખ-આનંદમાં વ્યતીત કરવાનું હોય છે. ત્યાં શેઠ-નોકર, રાજા-રંક, શ્રીમંત-ગરીબ વગે૨ે ભેદભાવો હોતા નથી. બધાં સુખમય જીવન જીવે છે.
ત્યાં ખેતી પણ નથી. પશુઓ પણ પોતાની રીતે સ્વતંત્ર હોય છે. હાથી-ઘોડા-ગધેડા-બળદ વગેરે પશુઓને માનવો દ્વા૨ા બંધન કે ભારવહન કરવાના ઉપયોગમાં લેવાતાં નથી.
યૌવનકાળમાં આવતાં, સાથે જન્મેલાં તે બંને પતિ-પત્ની રૂપે જીવન જીવે છે. તેઓ ખૂબ જ ઓછા કષાયવાળાં અને અલ્પ મમત્વવાળાં સમ
૧૩૪
