Page Text
________________
પોતાના તે વેદના ઉદયને શાંત કરી શકે છે. તે આવેગોને કંટ્રોલમાં રાખી શકે છે.
અને જે પુરુષને આ પુરુષવેદ મોહનીયકર્મનો અતિશય મંદ ઉદય હોય તેને તો નિમિત્તો મળે તો તે વાસનાને આધીન બનતો નથી. સ્ત્રી પ્રત્યે તેના મનમાં સહજ રીતે આકર્ષણ પેદા થતું નથી. એ ખૂબ જ સહેલાઈથી કામવાસનાને કંટ્રોલમાં રાખી શકે છે. તે માટે તેને તપ - જપ વગેરેનો પણ ખાસ પ્રયત્ન કરવો પડતો નથી. આવી વ્યક્તિ સાધુજીવન ખૂબ જ સુંદર રીતે પાળીને પોતાનું જલદીથી આત્મકલ્યાણ સાધી શકે છે.
અષાઢાભૂતિ, નંદીષેણમુનિ વગેરેનું પણ આ વેદોદયની પ્રબળતાના કારણે પતન થયું હતું, છતાં તે વેદોદય શાંત થતાં તેમણે આત્મકલ્યાણ સાધી પણ લીધું હતું.
(૮) સ્ત્રી વેદ મોહનીય કર્મઃ આ કર્મના ઉદયથી સ્ત્રીઓને પુરુષ તરફ આકર્ષણ પેદા થાય છે. પુરુષના શરીરનું સુખ માણવાની ઈચ્છા થાય છે. તેનો સહવાસ પામવા તે ઈચ્છે છે.
આ કર્મનો ઉદય બકરીની લીંડીના અગ્નિ જેવો છે. સળગાવીએ તો તે જલ્દી સળગે નહિ. ઘણી મહેનત પછી સળગે. પણ સળગ્યા પછી ઘણીવાર સુધી ઓલવાય જ નહિ. તેમ સ્ત્રીના મનમાં પણ પુરુષો માટેની વાસના બહુ જલદી જાગતી નથી. વાસના જ્યારે જાગે ત્યારે તે જલદીથી શાંત પણ થતી નથી. જેમ જેમ એ પુરુષનો સહવાસ પામે, તેમ તેમ તેની વાસના વધતી જાય છે.
જો આ સ્ત્રીવેદનો ઉદય પુરુષને થાય તો તેને પણ પુરુષ પ્રત્યે આકર્ષણ પેદા થાય છે, પરિણામે તે સજાતીય સંબંધ બાંધીને પોતાનું જીવન બરબાદ કરી દે છે.
જો સ્ત્રીને આ વેદનો ઉદય પ્રબળ હોય તો જ્ઞાન - ધ્યાન-તપાદિ ઉપાયો દ્વારા પણ તે પોતાની કામવાસનાને શાંત રાખી શકતી નથી. પણ જેને આ સ્ત્રીવેદનો ઉદય સામાન્ય હોય તેને નિમિત્ત મળતાં વાસના જાગે તો છે, પણ જો તે તપ - સ્વાધ્યાય આદિનો સહારો લે તો તે વાસનાને કંટ્રોલ કરી શકે છે. મંદ ઉદયવાળી સ્ત્રીને તો નિમિત્ત મળવા છતાં ય કામવાસના જાગતી નથી.
(૯) નપુંસક વેદ મોહનીય કર્મઃ આ કર્મનો ઉદય જેને થાય છે, તેને અત્યંત પ્રબળ કામવાસના જાગે છે. તેને પુરુષ તથા સ્ત્રી, બંને પ્રત્યે તીવ્ર આકર્ષણ પેદા થાય છે. બંનેના સહવાસને તે ઝંખે છે. બંનેના શરીરના સુખને પામવા તે ઈચ્છે છે.
તેનામાં કામવાસનાની આગ એટલી બધી પ્રબળ જાગે છે કે જ્યાં સુધી તેની વાસના નસંતોષાય ત્યાં સુધી તે શાંત થતો નથી.
શાસ્ત્રમાં આ નપુંસકવેદના ઉદયને નગર દાહ જેવો જણાવેલ છે. આખું ને આખું નગર ભડભડ બળતું હોય તો તેને શી રીતે ઓલવી શકાય? તેમ આ નપુંસક વેદના ઉદયે એટલી બધી પ્રબળ કામવાસના જાગે છે કે જેને શાંત કરવી અતિશય મુશ્કેલ છે.
I
!
-
કાજ
-:
૨ ભાગ-૨
Distrivinit |
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |