Karmanu Computer Part 2 3

SR No.: 008957
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 226
Language: Gujarati
Classification: Book_Gujarati & Karma
File Size: 5 MB

Page 193

સાધારણ વનસ્પતિકાયને નિગોદ પણ કહેવામાં આવે છે. નિગોદના પ્રત્યેક શરીરમાં અનંતા – અનંતા જીવો હોય છે. તેમની હિંસા ન થઈ જાય તેની બધાએ સૂક્ષ્મબુદ્ધિથી કાળજી કરવી જોઈએ.
સાધારણ વનસ્પતિકાયની હિંસામાં અનંતાજીવોની હિંસા હોવાથી દરેક જણે કંદમૂળાદિનો અવશ્ય ત્યાગ કરવો જ જોઈએ. વળી પ્રત્યેક વનસ્પતિકાયમાં પણ એકેક શરીરમાં એકેક જીવ તો છે જ. તેથી તે ખાવામાં પણ હિંસાનો દોષ તો લાગે જ છે; પણ સાધારણ વનસ્પતિકાયની અપેક્ષાએ તે દોષ અહીં ઓછો લાગે છે. માટે જો તમામ વનસ્પતિનો (લીલોતરીનો) કાયમ માટે ત્યાગ કરી શકાય તો ઘણું સારું; પણ જો તે ન જ થઈ શકે તો કાયમ માટે કંદમૂળનો ત્યાગ કરીને છેવટે પર્વના દિવસોમાં તો લીલોતરીનો પ્રત્યેક વનસ્પતિકાયનો ત્યાગ કરવો જ જોઈએ. ચૈત્રી – આસોમાસની ઓળી, પર્યુષણ મહાપર્વ તથા દર મહીનાની બે-બે બીજ-પાંચમ-આઠમ-અગ્યારસ - ચૌદસ તથા પુનમ | અમાસ મળીને ૧૨ તિથિ, છેવટે દસ કે પાંચ તિથિ પણ લીલોતરીનો ત્યાગ કરવો જોઈએ.
ફળો પણ લીલોતરી જ ગણાય. આજકાલ કેટલાક લોકો પાંચ કે દસ તિથિ લીલા શાકભાજી ખાતા નથી પણ પાકા કેળા, કેરીનો રસ કે ટુકડા, સકરટેટી, તડબૂચ, જામફળ, વગેરે ફળો કે તેના શાકનો ઉપયોગ કરવા લાગ્યા છે, પણ તે ઉચિત નથી. હવે તો કેટલાક પાકા કેળાના કારણે કાચા કેળાનું શાક પણ વાપરતા થયા છે; તે પણ ઉચિત નથી. જેમ લીલા શાકભાજી ન વપરાય તેમ પાકાં ફળ પણ ન જ વપરાય. તેમાં પણ જીવ છે જ.
વળી, શાકભાજી કરતાં ય ફળ વાપરવામાં તો વધારે આસક્તિ થાય છે. અને આસક્તિ તો ભયાનક પાપ છે. તો જો લીલા શાકભાજી ન વપરાય તો ફળ તો શી રીતે વપરાય ?
પ્રત્યેક અને સાધારણ નામકર્મની વિવિધતાઓ જાણીને કંદમૂળનો જીંદગીભર માટે તથા લીલા શાકભાજી - ફળ વગેરે તમામ લીલોતરીનો દસ કે પાંચ તિથિ માટે ત્યાગ કરવાની પ્રતિજ્ઞા સૌએ કરી લેવી જોઈએ.
કંદમૂળ વગેરે સાધારણ વનસ્પતિકાય નિગોદ છે. તેનો વપરાશ કરવાથી આપણે નિગોદમાં જન્મ લેવો પડે. એક શ્વાસોશ્વાસમાં સાડી સત્તર વાર જન્મ-મરણ કરવા પડે. ભયાનક વેદના અનુભવવી પડે. શું આ બધુ મંજૂર છે? શું આવી નિગોદમાં જવું છે? જો નિગોદમાં જવું નથી તો આજથી જ કાયમ માટે કંદમૂળનો ત્યાગ કરી દેવો જોઈએ.
જો કે ૯૪ કર્મનું કપ્યુટર ભાગ-૩ માં