Page Text
________________
વૈમાનિક દેવલોકમાં દેવો અને દેવીઓ બંને હોય છે. ત્રીજાથી ઉપરના દેવલોકમાં માત્ર દેવો જ હોય છે. બીજા દેવલોક સુધીની દેવીઓ આઠમા દેવલોક સુધી આવન-જાવન કરી શકે છે. બીજા દેવલોક સુધીના દેવ-દેવીઓ મનુષ્યની જેમ જ કામભોગો ભોગવતા હોય છે. પણ તેમના શરીરમાં સાત ધાતુઓ રૂપી ગંદકી ન હોવાથી ગર્ભ ધારણ કરવાની સ્થિતિ પેદા થતી નથી.
- ત્રીજા – ચોથા દેવલોકના દેવો, નીચેથી દેવીઓને ઉપર બોલાવીને તેમના સ્પર્શ માત્રથી સુખ અનુભવે છે. પાંચમા - છઠ્ઠા દેવલોકના દેવો તો દેવીઓના અંગોપાંગના દર્શન માત્રથી સુખ પામે છે, તેમને સ્પર્શ કરવાની પણ તેમને જરૂર પડતી નથી. સાતમા - આઠમા દેવલોકના દેવો તો નીચેની દેવીઓના સ્વર, આભૂષણોના અવાજ વગેરે સાંભળીને જ સંતોષ પામે છે. ૯થી ૧૨મા દેવલોકના દેવો દેવીની માનસિક કલ્પનાઓ કરીને તૃપ્તિ અનુભવે છે. નવ રૈવેયકતથા પાંચ અનુત્તરના દેવો શારીરિક કે માનસિક, કોઈ રીતે કામવિકારોને અનુભવતા નથી. તેથી તેમને વિતરાગ પ્રાયઃ કહેવામાં આવ્યા છે. આમ ઉપર - ઉપરના દેવલોકના દેવોમાં કામાવેગ ઓછો ઓછો હોય છે.
પોતાના દેવલોકની ઈન્દ્રની સભામાં માણવક ચૈત્યમાં રત્નમય દાબડાઓમાં તીર્થકર ભગવંતોના દાંત -દાઢ – હાડકાઓ વગેરે સ્થાપન કરેલાં હોય છે. તેની મર્યાદા પાળવા દેવો તે સ્થાને કદીય દેવીઓ સાથે ભોગ ભોગવતાં નથી,
જો પરમાત્માના દાંત - દાઢ અને હાડકાની પણ આ મર્યાદા ભોગી એવા દેવો પણ સાચવતાં હોય તો માનવોએ તો મંદિરો, તીર્થો અને પરમાત્માની પ્રતિમાની કેવી મર્યાદા સાચવવી જોઈએ! દેરાસરમાં આંખોમાં વિકારો શી રીતે ઉભરાવાય? વિજાતીય વ્યક્તિને કોણીઓ શી રીતે કરાય? ગમે તેવા શબ્દોના પ્રયોગો શી રીતે કરાય? ફિલ્મી તર્જ પરના ગીત અને સંગીત દ્વારા માનસિક વિકારો શી રીતે પેદા કરાય? આપઘાત કરાવનારા આ રસ્તેથી જલ્દી પાછા ફરી જવા જેવું છે.
(3) નરકગતિ નામકર્મ : આ જીવનમાં રૌદ્રધ્યાન ધરનારા આત્માઓને નરકગતિનામકર્મ નરકગતિમાં લઈ જાય છે. બ્રહ્મદત્ત ચક્રવર્તી, મમ્મણ શેઠ, કંડરિક, તંદુલિયો મત્સ્ય, કાલસૌરિક કસાઈ વગેરે આત્માઓ તો ઠેઠ સાતમી નરકમાં ચાલ્યા ગયા છે.
આપણી પૃથ્વીની જાડાઈમાં ભવનપતિદેવોની આસપાસ ૧લી નરકના જીવો માટેના આવાસો છે. આપણી પૃથ્વીની નીચે ક્રમશ: બીજી, ત્રીજી, ચોથી, પાંચમી, છઠ્ઠી અને સાતમી નરકો આવેલી છે. ત્યાં જનારા આત્માઓ ભયાનક દુઃખોને અનુભવે છે.
પરમાધામી દેવો તેમને ત્રાસ આપે છે. મિથ્યાત્વી નારકો પરસ્પર એકબીજાને છાશ ૧૪ હજાર કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |