Karmanu Computer Part 2 3

________________ દેવગતિનામકર્મ ઉદયમાં આવ્યું. તે કર્મ તેમના આત્માને તરત જ નલિનીગુલ્મ વિમાનમાં લઈ ગયું. તેઓ ત્યાં દેવ તરીકે ઉત્પન્ન થયા. ‘જય જય નંદા, જય જય ભદ્દા” શબ્દો સંભળાવા લાગ્યા. દેવીઓ તેમને વધાવવા લાગી. દેવલોકના સુખો તેમના ચરણોમાં આવી પડ્યા. તેઓ વિચારે છે કે હું કોણ ? અહીં ક્યાંથી આવ્યો ? કેવી રીતે આવ્યો? અવધિજ્ઞાનનો ઉપયોગ મૂક્યો, પોતાનો પૂર્વભવ દેખાયો. જંગલમાં પડેલું હાડપિંજર જોયું. દેવ બનેલા તેઓ ધરતી પર પોતાના મરણસ્થાને આવ્યા. ત્યાં પુષ્પવૃષ્ટિ કરી. સુગંધી જળનો છંટકાવ કર્યો. ગુરુભગવંતને વંદના કરીને પોતાના સ્થાને પાછા ફર્યાં. (A) દેવગતિ નામકર્મ : જીવને દેવગતિમાં જે કર્મ લઈ જાય તે દેવગતિ નામકર્મ. આ દેવગતિનામકર્મ આત્માને જે દેવગતિમાં લઈ જાય છે તે દેવગતિમાં ચાર પ્રકારના દેવોનો સમાવેશ થાય છે. (૧) ભવનપતિ (૨) વ્યંતર - વાણવ્યંતર (૩) જ્યોતિષી અને (૪) વૈમાનિક, ભવનપતિ દેવો : આપણે જે પૃથ્વી ઉપર વસીએ છીએ તે કુલ ૧,૮૦,૦૦ યોજન જાડી છે. તેની જાડાઈના ઉપ૨ - નીચેના એકેક હજાર યોજન છોડીને વચ્ચેના ૧,૭૮,૦૦૦ યોજનના ભાગમાં ૧લી નરકના જીવો અને આ ભવનપતિ દેવો વસે છે. આ પૃથ્વીની જાડાઈમાં ૨૫ માળના મકાનની કલ્પના કરી જુઓ. તેમાંના એકી નંબરના માળમાં ૧લી નરકના નારકજીવોના આવાસો છે. જ્યારે બેકી નંબરના ૧૨ માળમાંથી બીજા અને ચોવીસમા માળ સિવાયના બાકીના દસ માળમાં દસ પ્રકારના ભવનપતિ દેવો ૨હે છે. (૧) અસુરકુમાર (૨) નાગકુમાર (૩) સુવર્ણકુમાર (૪) વિદ્યુતકુમાર (૫) અગ્નિકુમા૨ (૬) દ્વીપકુમાર (૭) ઉષકુમાર (૮) દિશીકુમાર (૯) વાયુકુમાર અને (૧૦) સ્તનિતકુમાર. આ દસ પ્રકારના ભવનપતિ દેવોમાંના પ્રથમ પ્રકાર અસુરકુમારમાંના કેટલાક દેવો સ્વભાવથી ટીખળી હોય છે. તેમને બીજાઓને ત્રાસ દેવામાં મજા આવે છે. તેઓ વારંવાર નરકાવાસોમાં જઈને નરકના જીવોને જાતજાતનો ત્રાસ આપે છે, મારે છે, કાપે છે, પીલે છે, બાળે છે, તપાવે છે, રાઈ - રાઈ જેવા ટૂકડા કરે છે વગેરે. આવું પરમ = અત્યંત અધર્મનું કામ કરતાં હોવાથી તેઓ પરમાધાર્મિક = પરમાધામી દેવો તરીકે ઓળખાય છે. કર્મનું કમ્પ્યુટર ભાગ-૩ ૧૨

SR No.	008957
Book Title	Karmanu Computer Part 2 3
Original Sutra Author	N/A
Author	Meghdarshanvijay
Publisher	Akhil Bharatiya Sanskrutirakshak Dal
Publication Year
Total Pages	226
Language	Gujarati
Classification	Book_Gujarati & Karma
File Size	5 MB

Page 111