Page Text
________________
ભાવપૂર્વક વહોરાવીને, સુપાત્ર દાનના પ્રભાવે પુષ્કળ શાતા વેદનીયકર્મ ઉપાર્જન કરીને મહાધનાઢ્ય શાલિભદ્ર બન્યા. દેવલોકમાંથી રોજ આવતી ૯૯-૯૯ પેટીઓના સ્વામી બન્યા.
પોતાની ઇચ્છાથી સહન કરીએ ત્યારે સકામનિર્જરા થાય; પણ ઇચ્છા વિનાય જો સહન કરવામાં આવે તો તે વખતે જે નિર્જરા થાય તે અકામ નિર્જરા કહેવાય. આવી અકામ નિર્જરા વખતે પણ શાતા વેદનીયકર્મ બંધાઈ શકે છે. શુલપાણી યક્ષ પણ પૂર્વભવમાં બળદ હતો. ખૂબ જ ફટકા તેણે ખાધા. સહન કર્યું. શતાવેદનીય બાંધ્યું. યક્ષભવમાં શાતાની પ્રાપ્તિ તેને થઈ.
જેનો અગણિત ઉપકાર છે, તેવા જન્મ આપનાર માતા-પિતાની સેવા કરવાથી પણ શતાવેદનીયકર્મ બંધાય છે. રોજ સવારે તથા રાત્રે માતા-પિતાને પગે લાગવું જોઈએ હૃદયમાં તેમના પ્રત્યે ઊછળતો બહુમાનભાવ જોઈએ. એકાદ રૂંવાડામાં પણ તેમની પ્રત્યે ધિક્કાર તિરસ્કાર કે આસુરીભાવ ન જોઈએ.
માતા-પિતાની જેમ સાસુ-સસરા, જેઠ, જેઠાણી મોટાભાઈ-ભાભી-બહેન વગેરે વડીલો પ્રત્યે આદરભાવ જોઈએ. તેઓના ચરણોમાં પણ પ્રણામ કરવા જોઈએ. આ રીતે કરવાથી શાતા વેદનીયકર્મ બંધાય છે. જેના ઉદયથી જીવનમાં સુખની પ્રાપ્તિ થાય છે.
અશાતા અને શાતાવેદનીય કર્મ કયા કયા કારણે બંધાય છે, તે જાણ્યા પછી, શાતાવેદનીયકર્મ બંધાય તેવા ઉપાયો કરવા જોઈએ અને ભૂલેચુક પણ અશાતાવેદનીયકર્મ ન બંધાય તેની સતત કાળજી રાખવી જોઈએ.
શાસ્ત્રમાં વેદનીયકર્મને મધ લીપેલી તલવાર જેવું કહ્યું છે. મધ લીપેલી તલવારને ચાટતાં મધના સ્વાદે આનંદ તો આવે પણ તલવારની ધારથી જીભ છેદાતા દુ:ખ પણ થાય જ. સુખ અને દુ:ખ બંનેને લાવ્યા વિના તે ન રહે.
આ વેદનીય કર્મના બે પેટા ભેદ છે.
(૧) શાતા વેદનીયકર્મ : સુખની સામગ્રી આપે. અનેક પ્રકારની અનુકૂળતા કરી આપે. શરીરનું, સ્ત્રીનું, મકાનનું, આરોગ્યનું, કુટુંબનું સુખ આપી શકે.
(૨) અશાતા વેદનીયકર્મ દુઃખની પરિસ્થિતિ પેદા કરે. સુખની સામગ્રીઓને ઝુંટવી લે. અનેક પ્રકારની પ્રતિકૂળતાઓ પેદા કરે. રોગ-ઘડપણ વગેરે લાવે. આર્થિક રીતે બેહાલ કરે વગેરે.....
% 3
કર્મનું કમ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |