Page Text
________________
તમામ દેવો ભેગા થઈને પણ પ્રભુના એક અંગૂઠાને રચી ન શકે. છતાં પ્રભુના વિશિષ્ટ અતિશયના પ્રભાવે પ્રભુનો માત્ર એક અંગૂઠો નહિ પણ આખાને આખા ત્રણ ત્રણ રૂપો દેવોએ તૈયાર કરી દીધા. જે ત્રણ પ્રતિબિંબોને પૂર્વ સિવાયની ત્રણ દિશાના સિંહાસનો ઉપર સ્થાપન કર્યા. પૂર્વ દિશામાં પ્રભુ બિરાજ્યા છે. ચારે દિશામાં રહેલા તમામને એમ જ લાગવા માંડ્યું કે સાચા પ્રભુ મારી સામે છે.
- દરેક પ્રભુ પાછળ તેજસ્વી ભામંડલ રચાયા. બે બે દેવો રત્નજડિત સુવર્ણની, દાંડીવાળા અને ચમરી ગાયના પૂંછડાના વાળ વડે તૈયાર કરાયેલા બે બે ચામરો વીંઝવા લાગ્યા. પ્રભુની ઉપર ત્રણ ત્રણ છત્રો શોભવા લાગ્યા. આકાશમાં રહીને દેવો દુંદુભી (નગારા વગાડીને લોકોને પ્રભુદશનામાં પધારવા નિમંત્રણ આપવા લાગ્યા.
પ્રભુ વીરની ખળ ખળ વહેતાં નદીના નીરની જેમ માલકૌંસ રાગમા-અર્ધમાગધી ભાષામાં દેશના વહેવા લાગી. લોકો તરબતર થઈને દેશના સાંભળી રહ્યા હતા.
પણ આ શું? એકાએક દેશના બંધ કેમ થઈ ગઈ? અરે ! પ્રભુ તો ઊભા થઈ ગયા ! અરે ! જુઓ તો ખરા....પ્રભુ સડસડાટ ૨૦,૦૦૦ પગથિયાં ઊતરવા લાગ્યા ! અને પ્રભુએ વિહાર કર્યો ! બધા સ્તબ્ધ બની ગયા ! સમજાતું નથી કે એકાએક આ શું બન્યું? ઇન્દ્રો-દેવો વગેરે પણ પ્રભુની પાછળ ચાલવા લગ્યા.
જાણે કે પ્રભુ સંદેશ આપવા માંગે છે કે, હે ભવ્ય જીવો ! મારું શાસન સત્તા કે સંપત્તિથી ચાલનારું નથી. જો સત્તાથી ચાલી શકે તેમ હોત તો હાજર રહેલા ઇન્દ્રો પાસે સત્તા દ્વારા આદેશ કરાવીને બધાને જૈન બનાવી દીધા હોત ! જો સંપત્તિથી ચાલવાનું હોય તો ઇન્દ્રદેવો વગેરે દ્વારા લાખો-કરોડો સોનામહોરોની પ્રભાવનાઓ કરાવવા દ્વારા બધાને જૈનધર્મમાં જોડી દીધા હોત. પણ ના...મારું શાસન સત્તા કે સંપત્તિ દ્વારા નહિ, પણ લોકો જેની પાછળ પાગલ છે તેવા આ સત્તા કે સંપત્તિના સંપૂર્ણ ત્યાગ કરવાના ભાવથી ચાલવાનું છે. વિરતિધર્મની આરાધનાથી ચાલવાનું છે.
પ્રથમ દેશનામાં આવેલા જીવોમાં વિરતિધર્મ પામવાની જરાય શક્યતા જણાતી નથી, તેથી ભગવાને દેશના અધૂરી છોડી વિહાર આદર્યો છે.
પ્રભુ વિહાર કરી, અપાપાનગરીની બહાર રહેલા મહાસન ઉદ્યાનમાં પધાર્યા. દેવોએ સમવસરણની રચના કરી. અગિયાર બ્રાહ્મણો પોતાના શિષ્યોની સાથે આવ્યા. પ્રભુના પ્રભાવમાં આવી સર્વે પ્રભુના શિષ્ય બન્યા. ઇન્દ્રભૂતિ ગૌતમ વગેરે અગિયારને પ્રભુએ ગણધર પદે સ્થાપવા માટે વાસક્ષેપ કર્યો.
જ્યાં પ્રભુના-વાસક્ષેપ-સહ-આશીર્વાદ મળ્યાં, ત્યાં જ તે અગિયારને
જ્ઞાનાવરણીય કર્મ
૧
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |