________________
દઈએ તો ? નવો ધસારો જ બંધ થઈ જાય, અને ત્યાર પછી તપ-ત્યાગનો સૂર્ય તપવા લાગે એટલે ધીરે ધીરે તળાવમાં આવી ચૂકેલું ગંદું પાણી પણ સુકાઈ જાય.
એક નગર ઉપર શત્રુસૈન્ય ચડી આવ્યું હોય અને શરૂઆતમાં જ નાગરિકો ગફલતમાં રહી જાય તો અવશ્ય કેટલુંક સૈન્ય અંદર પેસી જાય. પછી ધીંગાણું મચે ત્યારે પ્રથમ જો બહારથી આવતો ધસારો અટકાવવામાં આવે અને પછી અંદર પેસી ગયેલાને ખતમ કરવામાં આવે તો જ વિજય મળે.
આમ બે કામ થાય ત્યારે તમામ કર્માણુનો નાશ થાય.
મિત્રો, ક્યારે આપણે મિથ્યાત્વ ત્યાગીને સત્યના પક્ષપાત રૂપ હૃદયપરિવર્તન કરીશું ? પછી ક્યારે એ સત્યને આચરણમાં ઉતારીને અવિરતિના ત્યાગ રૂપે જીવન પરિવર્તન કરીશું ? પછી ક્યારે પેલા ચારેય ખળભળાટોને (કષાયોને) શાન્ત કરી દઈશું ?
અને પછી મન-વાણી અને કાયાની સર્વહિતકર પ્રવૃત્તિ કરતાં કરતાં એનાથી પણ નિવૃત્ત થઈને શુદ્ધાત્મસ્વરૂપ પ્રગટ કરશું ? ક્યારે આવશે માંગલ્યોથી ખીચોખીચ ભરેલી પરમ પવિત્ર પળો ?
કર્મનું ચોથું પ્રવેશદ્વાર : યોગ Q
૪૩
