________________
આ ચોવીસીમાં થયેલા ઓગણીસમાં મલ્લિનાથ ભગવાન ! પૂર્વના ભવમાં તપ કરવાની બાબતમાં તેમણે માયા કરી. આ ત્રીજા બાકોરામાંથી કાશ્મણ રજકણો તે સમયે જે પ્રવેશી, તેણે ભગવાન તરીકેના ભવમાં તેમને સ્ત્રી તરીકેનો અવતાર આપ્યો.
સામાન્યતઃ માયા કરવાથી પછીનો અવતાર તિર્યંચગતિનો (કૂતરા-બિલાડાશિયાળનો) કે સ્ત્રી તરીકેનો મળે તેવા પ્રકારની કાર્મણ રજકણો ત્રીજા બાકોરા દ્વારા આત્મામાં પ્રવેશે છે. માટે કદી પણ, ક્યારે પણ, માયા તો કરવી જ નહિ.
ક્યારેક જૈન શાસનની અવહિલના થઈ જવાનો પ્રસંગ આવે ત્યારે માયા પરાણે પણ કરવી પડે. તે પ્રશસ્ત માયા છે. કારણ કે શાસનવિલન જેવું ભયંકર પાપ કદાચ કોઈ નથી. આ પાપને નિવારવા કરવી પડતી માયા એ પ્રશસ્ત માયા છે. તે વખતે બાકોરા વાટે જે કાર્મણ રજકણો પ્રવેશે તે શુભફળને આપનારી બને છે. તેવી પ્રશસ્ત માયાનું ઉદાહરણ જોઈએ.
વેશ બાળતા ચકોરમુનિ રાજા શ્રેણિક શૈવધર્મી હતો ત્યારની આ વાત છે. એક વાર મહાશ્રાવિકા રાણી ચલ્લણા સાથે તેને મોટો વિવાદ થઈ ગયો. બંનેએ કહ્યું, “અમારા ધર્મગુરુ બ્રહ્મચારી, બીજા બધા ગોટાળાવાળા.”
રાણી ચેલણાની આ જોરદાર રજૂઆતથી મગધપતિ શ્રેણિક અકળાઈ ગયો. ખાનગીમાં એણે મહાદેવ-મંદિરના પૂજારીને જણાવી દીધું કે કોઈ જૈન-મુનિ મંદિરમાં રાતવાસો કરવા આવે ત્યારે તુરત ખબર આપવી.
મંદિર ગામના સીમાડે હતું. એક દિવસ એક જૈન મુનિ એ મંદિરમાં સંધ્યા સમયે આવી ચડ્યા.
કોઈ મહાગીતાર્થ એ મુનિ હતા. અન્યથા તેઓ એકાકી અવસ્થામાં સંભવે નહિ. કેટલાક આગાઢ કારણે ગીતાર્થ મુનિને એકાકી પણ વિહરવાની શાસ્ત્રજ્ઞા છે.
પૂજારી દોડ્યો, મગધના નાથ પાસે. જૈન સાધુના આગમનના સમાચાર આપીને રવાના થયો.
રાજા શ્રેણિકે તરત જ પોતાના અંગત માણસ દ્વારા રાત્રિનો સમય થતાં જ એ મંદિરમાં એક વેશ્યાને મોકલી આપી. એને સઘળુંય કરી છૂટવાની સત્તા આપી દીધી હતી.
વેશ્યા મંદિરમાં પેઠી. પૂજારીએ બહારથી બારણું બંધ કરી દીધું. મુનિવર સઘળી સ્થિતિ પામી ગયા.
કર્મોનું ત્રીજુ પ્રવેશદ્વાર : કપાય રૂ. ૩૧
