________________
સત્યના પક્ષપાતનો અભાવ) કર્મોનું પ્રવેશદ્વાર છે, જે અનંતાકર્મોને આત્મામાં લાવી લાવીને તેને સાચું સુખ પામતો અટકાવે છે.
પક્ષપાત એટલે પક્ષપાત. સત્યનો પક્ષપાત એટલે સત્યનો સત્ય તરીકે સ્વીકાર અસત્યનો અસત્ય તરીકેનો સ્વીકાર. કદાચ તેવું આચરણ તેનામાં ન પણ હોય. અર્થાત સત્યનું આચરણ ન હોય, અસત્યનો ત્યાગ જીવનમાંથી ન પણ થયો હોય છતાંય જો સત્યનો પક્ષપાત આત્મામાં આવી જાય તો તે આત્માનું મિથ્યાત્વ નામનું પહેલું બાકોરું બંધ થઈ ગયું ગણાય. તે આત્મા મિથ્યાત્વી મટી સભ્યત્વી બન્યો ગણાય. સત્યનું આચરણ તો જીવન સાથે, શરીર સાથે સંબંધ ધરાવે છે, જ્યારે સત્યનો પક્ષપાત એ હૃદય સાથે, મન સાથે સંબંધ ધરાવે છે.
પરંતુ જેના જીવનમાં હજુ સત્યનું આચરણ થતું નથી અરે ! હૃદયથી સત્યનો સ્વીકાર કરવાની પણ જેની તૈયારી નથી, તે આત્મા પ્રત્યેક સમયે પુષ્કળ પ્રમાણમાં કર્મોના ઢગલે ઢગલાને પ્રવેશ આપે છે.
પરંતુ જ્યારે તે આત્માને સદ્ગુરુનો સંગ થાય છે. તેનો કાળ પાકે છે. સદ્દગુરુની વાતોને જયારે તે શાંતિથી સાંભળે છે. તેની ઉપર વિચારણા કરવા તૈયાર થાય છે ત્યારે તેને સત્ય-અસત્ય વચ્ચેનો ભેદ પરખાય છે. તેનું હૃદય હલબલી ઊઠે છે. અંદર પશ્ચાત્તાપ પેદા થાય છે. તેના આંતરચક્ષુ ઉઘડી જાય છે. અસત્ય પ્રત્યેનો જે કટ્ટર પક્ષપાત હતો, તે ઢીલો પડે છે. ધીમે ધીમે સંપૂર્ણ નાબૂદ થાય છે. સત્ય પ્રત્યેનો પક્ષપાત પેદા થાય છે. તેનું હૃદય શુદ્ધ થાય છે. હૃદયપરિવર્તન પામેલ. તે આત્મા હવે સમકિતી કહેવાય છે. અસત્યના પક્ષપાત રૂપી મિથ્યાત્વ દૂર થયું હોવાથી કર્મોના પ્રવેશનું પહેલું બાકોરું બંધ થાય છે. તે બાકોરા દ્વારા પ્રવેશ કરતી કાર્પણ રજકણો હવે અંદર આવતી અટકી જાય છે.
કર્મોનું પ્રથમ પ્રવેશદ્વાર : મિથ્યાત્વ B ૧૫
