Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 15

મિત્રો, આ બધા ય પ્રશ્નોના ઉત્તર આપો. જે ઉત્તર આપશો તેની પાછળ પણ એ પ્રશ્ન છે કે એ કેમ થયું ? એ કોણે કર્યું ? એનો પણ ઉત્તર આપો. શું ઈશ્વરે કર્યું ? ના. ના. ઈશ્વર તો પરમકૃપાળુ પરમાત્મા છે. તે આવું ન જ કરે.
જો ઈશ્વરને તેવી દુઃખમય પરિસ્થિતિનું નિર્માણ કરનાર માનશો તો તેને દયા કે શક્તિ વિનાનો માનવો પડશે, કેમકે ઈશ્વર જે દયાળુ હોય તો શા માટે કોઈને દુઃખી કરે ? જો સર્વશક્તિમાન હોય તો તે ઈશ્વર જ શા માટે બીજાને પાપ કરતાં રોતો નથી ? અરે બધું ઈશ્વર જ કરતો હોય તો લોકો પાસે પાપ પણ તે જ કરાવે છે ને ? જીવોને પાપી બનાવીને તેને નરક વગેરે ગતિમાં મોકલીને ભયંકર દુઃખો આપનાર ઈશ્વરને દયાળુ શી રીતે મનાશે ?
પરંતુ હકીકતમાં તો ઈશ્વર કરૂણાનો મહાસાગર છે. અનંત શક્તિનો સ્વામી છે. તેથી દુઃખમય કે પાપમય અવસ્થાને પેદા કરનાર ઈશ્વર તો ન જ હોય, તો પૂર્વે જણાવેલા પ્રસંગોમાં કારણ કોણ ?
શું કોઈપણ કારણ વિના જ આ બધું બને છે ? ના, ના. કારણ વિના કોઈ જ કાર્ય થતું નથી. સર્વ ક્ષેત્ર અને સર્વ કાળમાં માન્ય આ સિદ્ધાન્ત છે. આજ સુધી એમાં કોઈ અપવાદ જોવા મળતો નથી. જે કાર્ય હોય તેનું કોઈને કોઈ કારણ તો હોવું જ જોઈએ. તો આ બધી ઘટનાઓમાં કારણ કોણ ?
સમગ્ર વિશ્વમાં જે કાંઈ ઘટનાઓ બની છે, બને છે કે ભવિષ્યમાં બનવાની છે, તે બધામાં કારણ ઈશ્વર નથી; પણ કર્મ છે. ઈશ્વરે તો આ જગત જેવું છે, તેવું બતાવ્યું છે, પણ બનાવ્યું નથી. જગતનું સંચાલન ઈશ્વર નહિ પણ કર્મ કરે છે. તે કમ્યુટર જેવું છે. કપ્યુટરની જેમ તે કર્મ પોતાનું ગણિત કરે જ રાખે છે. લોકોના તેવા તેવા કાર્ય અનુસાર લોકોને સુખદુઃખાદિ આપ્યા કરે છે.
આ કર્મ તો જડ છે. ચેતન નથી. છતાં જડ એવા તેની તાકાત તો અજબ ગજબની છે. જ્યાં સુધી જડ કર્મ આત્માને ચોંટ્યું હોતું નથી. ત્યાં સુધી તે કાર્મણવર્ગણા (કાશ્મણરજકણો) તરીકે ઓળખાય છે. જ્યારે તે કાર્મણ રજકણો આત્માને ચોટે છે, ત્યારે તે કર્મ તરીકે ઓળખાય છે. તે કર્મ આત્માને સુખીદુઃખી, બળવાન-નિર્બળ, બુદ્ધિમાન-મૂર્ખ, રૂપવાન-કદરૂપો બનાવવાનું કાર્ય કરે છે.
આત્મા મૂળસ્વરૂપે તો અત્યંત પવિત્ર છે. શુદ્ધ છે. તેની ઉપર કોઈ ડાઘ
કર્મનું કપ્યુટર