________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
( ७३ ) नित्यमिति-(हे) ' अमदन' न विद्यते मदनो यस्येति बहुव्रीहिस्तत्सम्बोधनं मदनरहित !। ' अपापायासाद्यमानामदनत !' पापं-पातकञ्च आयासो विषादश्चेति समाहारद्वन्द्वः, तदादि येषान्ते दोषा न विद्यन्ते येषां मुनीनां ते अपापायासादयस्ते च ते अमाना मानहीनाश्च ते अमदास्त्यक्तमदाश्च ते-अपापायासाद्यमानामदास्तै त ! वन्दित ! । ' वसुधासार !' वसुधायां-पृथिव्यां सार !-उत्कृष्ट ! । 'तीर्थनाथ ! ' तीर्थ-चतुर्विधः सङ्घः प्रथमगणधरो वा तस्य नाथ:स्वामी तत्सम्बोधनम् । तीर्थपते ! तीर्थशब्दोऽस्ति पुंक्लीबः, तीर्यते संसारसमुद्रोऽनेनेति तीर्थं प्रवचनाधारश्चतुर्विधः सङ्घः प्रथमगणधरो वा । यदाहुः-“तित्थभन्ते ! तित्थं तित्थयरे तित्थं गोअमा! अरिहा ताव नियमा तित्थंकरे तित्थं पुण चाउवण्णे समणसंघे-पढमगणहरे वा” इति स्वसमयः। 'नीनूरमितृतुदिवचिरिचिसिचिश्वि०' (सिद्ध० उणा० २२७) इति कित्-थः। “तीर्थं शास्त्रे गुरौ यज्ञे, पुण्यक्षेत्राऽवतारयोः। ऋषिजुष्टे जले सत्रि–ण्युपाये स्त्रीरजस्यपि ॥ १ ॥ योनौ पात्रे दर्शने च” इति हैमः। 'ते' तव, ' हेतूपपत्तिप्रतिहतकुमतप्रोद्धतध्वान्तबन्धा' हेतवो-साध्यवस्तुगमकानि लिङ्गानि, उपपत्तयो युक्तयः, हेतुभिश्चोपपत्तिभिश्च हेतूनामुपपत्तिभिर्वा प्रतिहतः-प्रतिषिद्धः, कुमतान्येव कुमतमेव कुमतस्य वा प्रोद्धतः-प्रोदामः ध्वान्तबन्धस्तिमिरग्रन्थिर्यया सा। 'अपापाया' अपगता अपाया-विघाता यस्याः सा । ' आसाद्यमाना' प्राप्यमाणा, मुनिभिरित्यध्याहार्य । अपापायैर्निरपायैरासाद्यमानेत्येकं पदं वा। 'सुधासारहृद्या' सुधायाः आसार:वेगवान वर्षः सुधासारोऽमृतवृष्टिः स इव हृद्या-हृदयङ्गमा । “ आसारो वेगवान्वर्षः ” इतिहैमः । ' शेषश्चात्र-अथाऽऽसारे धारासंपात इत्यपि । ' 'निर्वाणमार्गप्रणयिपरिगता' निर्वाणस्य-मोक्षस्य मार्गः -सम्यग्दर्शनज्ञानचारित्ररूपस्तस्मिन् प्रणयः-स्नेहो येषां तैः साधुभिः
१०
For Private And Personal Use Only
