________________
રસ્તામાં થઈ જાય તો રસ્તામાં જ ચોવિહાર કરી લે ! મુંબઈમાં ઘણે દૂર નોકરી હોય. તેથી ચોવિહાર કરવામાં અગવડ ખૂબ પડે. તેથી મોહમયી મુંબઈને સલામ કરી ગુજરાતમાં રહેવા આવી ગયા ! હવે તો ધર્મપુણ્યથી શેઠ ખૂબ સારા મળી ગયા છે. શેઠે ચોવિહાર માટે સાંજે રોજ વહેલાં જવાની રજા આપી દીધી છે !
આ વર્ષે તો વર્ષીતપ ઉપાડ્યો છે. શ્રાવિકા પણ ધર્મપ્રેમી મળ્યા છે. બંને પોતાના બાળકને પણ ખૂબ ધાર્મિક સંસ્કારો આપે છે. ત્રણે ઉકાળેલું પાણી જ પીવે છે ! શાંતિભાઈને ધર્મક્રિયાની વિધિ પ્રત્યે પણ ખૂબ રાગ છે ! આવા જીવ આસન્નભવ્ય હોઈ શકે છે. વળી શાંતિભાઈ રોજ ત્રિકાળ પૂજા કરે છે ! બંને પ્રતિક્રમણ ઉપરાંત એક સામાયિક પણ કરે છે ! હે ભવ્યો ! તમે પણ શાંતિભાઈના જીવનમાંથી એટલી પ્રેરણા તો અવશ્ય લો જ કે મારે પણ દઢપણે કાયમ ચોવિહાર કરવો જ. એમ નરકમાં ધકેલી દેનાર રાત્રિભોજનના પાપને તિલાંજલી આપી દો. વળી ૧૭ વર્ષનો કિશોર કાયમ ઉકાળેલું પાણી પી શકતો હોય તો તમારે માટે શું એ અશક્ય છે ? તમને ઘણાંને તો નિવૃત્તિ, પ્રૌઢ વય, ધંધાની માલિકી વગેરે ઘણી અનુકૂળ સામગ્રી મહા પુણ્ય મળી છે. તેથી ચોવિહાર કરવો તમારે માટે સહેલો છે. તો પુણ્યનો સદુપયોગ કરી સદ્ગતિ ભવોભવ મેળવો એ જ શુભેચ્છા.
૧૭. તપસ્વીનો જયજયકાર ખડકી (પૂના)ના ચંદ્રાબહેન બાબુલાલ સંઘવીએ જીવનમાં ઘણી બધી આરાધના કરી છે. તે ધર્મીજનો, તમે ધ્યાનથી વાંચતા અનુમોદના કરતાં કરતાં, યથાશક્તિ આરાધના આ જન્મમાં કરવાની પ્રેરણા મેળવી જન્મને સફળ કરો. એમની મુખ્ય આરાધનાઓ નીચે મુજબ છે જૈન આદર્શ પ્રસંગો-૪ 8િ [૧૬૫]
