________________
[२४] .. ततो सोधणसत्थवाहोतं आरामसिरिं पासिऊणं परं हरिसमुवगतो। चिंतियं च णेणं-"किमेएणं गुणाइसयभूएण पुरिसेण आरामे अच्छतेण ? वरं मे आवारीए अच्छउ" त्ति ।
ततो व्हविय-पसाहिओ दिण्णवत्थजुयलो ठवितो आवणे ।
ततो तेण आय-वयकुसलेणं गंधजुत्तिनिउणत्तणेणं पुरजणो उम्मत्ति गाहितो। ततो पुच्छितो जणेणं-"किं ते नामधेयं ?"
पभणइ य-" विणीयओ' त्ति मे नामधेयं ।” एवं सो विणीयओ विणयसंपन्नो सव्वनयरस्स वीससणिज्जो जातो।
ततो तेण सत्थवाहेण चिंतियं-"न खमं मे एल आवणे य अच्छंतो। मा एस रायसंविदितो हवेज, ततो रायणा हीरइ त्ति । वरमेस गिहे भंडारसालाए अच्छंतो।" ।
ततो तेण सगिहं नेऊण परियणं च सद्दावेऊण भणियं-"एस वो विणीयओजं देइ तं भे पडिच्छियवं, न य से आणा कोवेयव"त्ति ।
ततो सो विणीयओ धरे अच्छइ, विसेसओ य धणसिरीए जं चेडीकम्मं तं सयमेव करेइ । ततो धणसिरीए विणीयको सव्ववीसंभट्टाणितो जातो। ___ तत्थ य नयरे रायसेवी एक्को य डिंडी परिवसइ । इओ य सा धणसिरी पुवावरण्हसमए सत्ततले पासाए अट्टालगवरगया सह विणीयगेणं तंबोलं सभाणयंती अच्छइ।
सो य डिंडी हाय-समालदो तस्स भवणस्स आसण्णेण गच्छति । धणसिरीए तंबोलं निच्छूढं पडियं डिडिस्सुवरि । डिंडिणा निज्झाइया य, दिवा य णेणं देवयभूया । ततो सो अणंगबाणसोसियसरीरो तीए
