________________
[१] वग्यो णहो । जाव काओ आगओ। सियालेण चिंतियं-" जइ 'एयस्स ण देमि तओ 'काउ' 'काउ'त्ति वासियसदेणं अण्णे कागा एहिति, तेसिं कागरडणसद्देणं सियालादि अण्णे बहवे एहिति, कित्तिया बारेहामि ? ता एयस्स उवप्पयाणं देमि ।"
तेण तओ तस्स खंडं छित्ता दिण्णं । सो तं घेत्तूण गओ।
जाव सियालो आगओ। तेण णायमेयस्स हठेण वारणं करेमि त्ति भिउडि काऊण वेगो दिण्णो । णट्ठो सियालो। उक्तं चः
उत्तमं प्रणिपातेन, शूरं भेदेन योजयेत् ।। नीचमरूपप्रदानेन, सदृशं च पराक्रमैः ॥
(दशवैकालिकवृत्तिः )
१२ कयग्घा वायसा इओ य किर अतीते काले दुवालसवरिसिओ दुभिक्खो आसी। तत्थ वायसा मेलय काऊण अण्णोष्णं भणंति-" किं कायव्वमम्हेहिं ? वड्ढो छुहमारो उवडिओ, नत्थि जणवएसु वायसपिडियाओ, अण्णं वा तारिस किंचि न लब्भइ उज्झणधम्मियं, कहियं वच्चामो "? त्ति । __तत्थ वुड्ढवायसेहिं भणियं-" समुदतडं वञ्चामो । तत्थ कायंजला अहं भायणेज्जा भवंति । ते अम्हें समुद्दाओ मच्छए उत्तारिऊणं दाहिति। अण्णहा नत्थि जीवणोवाओ।"
संपहारेत्ता गया समुद्दतडं । ततो तुट्ठा कायंजला मच्छए उत्तारित्ता देंति । वायसा तत्थ सुहेण कालं गति ।
