________________
[ 4 ] करे तुमं इय अदंसणिज्जे काए व आसा इहमागओ सि । ओमचेलगा ! पंसुपिसायभूआ ! गच्छ खलाहि किमिहं ठिओ सि ॥ समणो - समणो अहं संजओ बंभयारी विरओ धण - प्पयण- परिग्गहाओ । परप्पवित्तस्स उ भिक्खकाले अन्नस्स अट्ठा इहमागओ मि ॥
वियरिज्जइ खज्जइ भुज्जइ य अन्नं पभूयं भवयाणमेयं । जाणा मे जायजीविणु त्ति सेवावसेसं लहउ तवस्सी ॥ बंभणा – उवक्खडं भोयणं माहणाणं अत्तट्ठियं सिद्धमिहेगपक्वं । नऊ वयं एरिसमन्नपाणं दाहामु तुज्झं किमिहं ठिओ सि ? | समणो- तुभित्थ भो ! भारहरा गिराणं अट्टै न
या अहिज्ज वे । उच्चावयाई मुणिणो चरंति ताईं तु खित्ताई सुपेसलाई || बंभणा – अमावयाणं पडिकूलभासी पभाससे किंनु
सगासि अम्हं । अवि एयं विणस्सउ अन्न-पाणं न य णं दाहामु तुमं नियंठा ! ॥ समणो - जइ मे न दाहित्य आहेसणिज्जं, किमज्ज
जन्नाण लभित्थ लाभं ॥ बंभणा -- के इत्थ खत्ता उवजोइया वा अज्झावया वा
सह खंडिएहिं ? | एयं खु दंडेण फलेण हंता कंठम्मि घित्तूण खलिज्ज जो णं । अज्झायाणं वयणं सुणित्ता उद्धाइया तत्थ बहू कुमारा । दंडेहिं वित्तहिं कसेहिं चेव समागया तं इसि तालयंति ॥
