________________
भासगाहा-५९८७-५९९६] पंचमो उद्देसो
९२१ जत्थ दोच्चायाण ग(पं)था तत्थ दीवएण गम्मइ, बितिज्जतं किंचि घेत्तूणं । जइ य गंतूण तुसिणीयाए पविसंति :: । ४ (चतुर्गुरु) ।
तुसिणीए चउगुरुगा, मिच्छत्ते सारियस्स वा संका। पडिबुद्धबोहियासु व, सागारिय कज्जजीवणया ॥५९९२॥
"तुसिणीए०" गाहा । सागारिए दोसे करेज्जा, किं मण्णे अवेलाए आगया ? तेणा वा पविलृ ति गेण्हणादी आहणेज्जा वा । तम्हा तुसिणीएहिं णागंतव्वं । पढमं च सागारिओ उट्ठवेयव्वो । सीसइ य से जहा–साधू खइओ अहिणा इहं च ओसहं ठविययं । ते णं आगया सागारिओ चेव संजइणं साहेइ । ताओ निग्गयाओ । ताहे पवित्तिणी भण्णइ-मोयं देध त्ति, भाणिऊण-ओसहं देध । खइययस्स ।
मोयं ति देइ गणिणी, थोवं चिय ओसह लहुं णेहा। मा मग्गेज्ज सगारो, पडिसेहे वा वि वुच्छेओ ॥५९९३॥ न वि ते कहंति अमुगो, खइओ ण वि ताव एय अमुईए।
घेत्तुं णयणं खिप्पं, ते वि य वसहिं सयमुर्वेति ॥५९९४॥
"मोयं ति०" ["न वि ते."] गाहा । णीणेतूणं गणिणी भणइ-एयं चेव एतं, नत्थि अण्णं, मा सागारिओ मग्गिहिइ-ममं देहि त्ति । निट्ठिए त्ति भणिए किं मग्गउ ? ण वि ताणं सीसति-अमुओ खइओ ण वा, ताओ कहिंति-अमुईय काइयंति । एवं ते संबंधादयो दोसा परिहरिया भवंति ।
जायइ सिणेहों एवं, भिण्णरहस्सत्तया य वीसंभो । तम्हा न कहेयव्वं, को व गुणो होइ कहिएणं ॥५९९५॥ सागारिसहिय नियमा, दीवगहत्था वए जईनिलयं ।
सागारियं तु बोहे, सो वि जई स एव य विही उ ॥५९९६॥
"जायइ०" ["सागारिसहिय०"] गाहा । जाहे संजइओ खइयाओ ताहे सागारियसहियाणओ एंति दीवगं गहाय । सो सागारिओ संजयाणं सेज्जातरं बोहेइ । ताए चेव विहीए वि संजया वि देंति ।
[मोयपगयं समत्तं]
.
.
