________________
भासगाहा-५९४२-५९५२] पंचमो उद्देसो
९११ "तिविहा०"["मज्झक्कोसा०""पलियंक०"] गाहा । तत्थ जा सा णिवण्णस्स सा तिविहा-उक्कोसउक्कोसा, उक्कोसमज्झिमा, उक्कोसजहण्णा । एयाओ जहासंखं ओमत्थिया पासेल्लिया उत्ताणिया । जा वि सा णिसण्णस्स सा तिविधा
मज्झिमुक्कोसा, मज्झिममज्झिमा, मज्झिमजहण्णा । गोदोहिया उक्कुड्या पलियंका यथासङ्ख्यम् । जा सा उट्ठियस्स सा तिविहा-जहण्णुक्कोसा जहण्णमज्झिमा जहण्णजहण्णा य। हत्थिसोडिया, एगपादिया, [समपादिया] यथासङ्ख्यम् । कहं पुण संपट्ठियस्स उक्कोसा भवति? उच्यते
सव्वंविओ पतावो, पताविया घम्मरस्सिणा भूमी। ण य कमइ तत्थ वाओ, विस्सामो णेव गत्ताणं ॥५९४९॥ एयासि णवण्हं पी, अणुणाया संजईण अंतिल्ला । सेसा नाणुण्णाया, अट्ठ तु आतावणा तासिं ॥५९५०॥
"सव्वंगिओ०"["एयासि०"] गाहा । एत्थ णिग्गंथीणं समतलपाइयाए आयावणाए आयावेइ । केरिसए पुण ठाणे आयावेइ ? उच्यते
पालीहिं जत्थ दीसइ, जत्थ य सइरं विसंति न जुवाणा ।
उग्गहमादिसु सज्जा, आयावयते तहिं अज्जा ॥५९५१॥
"पालीहिं०" गाहा । पडिस्सयपालीहिं जत्थ दीसइ, सइरं नाम सच्छंद । किं कारणं ? उग्गहणंतगमादीस आतावेति । उच्यते
मुच्छाएँ निवडिताए, वातेण समुद्धते व संवरणे । गोतरमजयणदोसा, जे वुत्ता ते उ पाविज्जा ॥५९५२॥ "मुच्छाएँ०" गाहा। [सुत्तं] नो कप्पइ निग्गंथीए ठाणाययाए हुंतए ॥५-२०॥ नो कप्पइ निग्गंथीए पडिमट्ठाइयाए हुंतए ॥५-२१॥ एवं नेसज्जियाए॥५-२२॥ उक्कुडुगासणियाए ॥५-२३॥ वीरासणियाए ॥५-२४॥ दंडासणियाए ॥५-२५॥ लगंडसाइयाए ॥५-२६॥
