________________
७३८
[अणवट्ठप्पपगयं
विसेसचुण्णि [अणवठ्ठप्पपगयं]
[सुत्तं] तओ अणवठ्ठप्पा पण्णत्ता, तं जहा-साहम्मियाणं तेण्णं करेमाणे, अन्नधम्मियाणं तेण्णं करेमाणे, हत्थादालं दलेमाणे ॥४-३॥
सुत्तं - तओ अणवठ्ठप्पा पण्णत्ता तं जहा साहम्मियाणं तेण्णं करेमाणे जाव हत्थातालं दलेमाणे । संबंधो
पच्छित्तमणंतरियं, हेटा पारंचियस्स अणवट्ठो ।
आयरियस्स विसोधी, भणिता इमगा उवज्झाते ॥५०५८॥
"पच्छित्त०" गाहा । कण्ठ्या । अणवठप्पो णाम तक्खणादेव न उवट्ठाविज्जइ, ण उवट्ठणाए अरिहो अणवठ्ठप्पो ।
आसायण पडिसेवी, अणवटुप्पो वि होति दुविहो तु । एक्केक्को वि य दुविहो, सचरित्तो चेव अचरित्तो ॥५०५९॥
"आसादण०" गाहा । आसादणापडिसेवी दुविहो वि भणिओ सचरित्तो अचरित्तो य । अणवठप्पो वि दुविहो सचरित्तो अचरित्तो य । एस वा संबंधो । सो पुण केसु ठाणेसु अणवठप्पं पावेइ ?
तित्थयर पवयण सुते, आयरिए गणहरे महिड्डीए ।
एते आसादेंते, पच्छित्ते मग्गणा होइ ॥५०६०॥ "तित्थगर०" गाहा । पूर्वव्याख्याता (गा० ४९७५) । पढमबितिएसु णवमं, सेसे एक्केक्क चउगुरू होति ।
सव्वे आसादेतो, अणवठ्ठप्पो उ सो होइ ॥५०६१॥
"पढम०" गाहा । तित्थगरे पवयणे य आसादंतस्स अणवठप्पं । सेसे सुयादिसु एक्केक्के चउगुरुगा । अह चत्तारि वि आसादेइ अणवठप्पं पावेइ । आसादणाअणवठ्ठप्पो गओ।
इदाथि पडिसेवणाणवठ्ठप्पोपडिसेवणअणवट्ठो, तिविधो सो होइ आणुपुव्वीए । साहम्मि अण्णधम्मिय, हत्थादालं व दलमाणे ॥५०६२॥ "पडिसेवण." गाहा । पडिसेवणाणवट्ठो सो तिविहो–साहम्मियाणं तेण्णं करेमाणो,
