________________
५९३
भासगाहा-४२३४-४२४९] तइओ उद्देसो
खित्तम्मि जम्मि खित्ते, उद्दिस्सति जो व जेण खेत्तेण ।
एमेव य कालस्स वि, भावो उ पसत्थमपसत्थो ॥४२४४॥
"खित्तम्मि०" गाहा । अहवा जो जेणं खेत्तेणं उद्दिसइ । जहा–सोरटुगमादि । काले जहा–सुसमसुसमओ।
कोहादी अपसत्थो, णाणामादी य होइ उ पसत्थो । उदओ वि खलु पसत्थो, तित्थकराऽऽहारउदयादी ॥४२४५॥ "कोहादी०" गाहा । कण्ठ्या । एत्थ खेतेण य कालेण य अत्थाधिकारो । उद्देस त्ति
गयं ।
इदाणि पत्ताणं ति ।
खेत्तेण य कालेण य, पत्तापत्ताण होति चउभंगो । दोहि वि पत्तो ततितो, पढमो बितिओ य एक्केणं ॥४२४६॥
"खेत्तेण०" गाहा । एत्थ चत्तारि भंगा, खेत्तेणं पत्ता ण कालेणं, कालेणं पत्ता न खेत्तेण, खेत्तेण वि कालेण वि पत्ता, णावि खेत्तेण णावि कालेण । तत्थ पढमभंगो -
वासाखेत्त पुरोक्खड, उडुबद्ध ठियाण खेत्तओ पत्तो । अद्धाणमादिएहिं, दुल्लभखित्ते व बीओ उ ॥४२४७॥ आसाढपुण्णिमाए, ठिया उ दोहिं पि होंति पत्ता उ । तत्थेव य पडिसिज्झइ, गहणं ण उ सेस भंगेसु ॥४२४८॥
"वासाखेत्त पुरक्खड०" पुव्वद्धं । जत्थ उडुबद्धे मासकप्पो कओ, अन्नं च वासावासपाउग्गं खेत्तं णत्थि, ताहे तत्थेव ते वासावास गय त्ति, एए खेत्तओ पत्ता ण कालओ। जेण ण वाव (?) आसाढपुण्णिमाए त्ति बितियभंगो । अद्धाणपडिवन्नाणं वासावासपाउग्गं वा खेत्तं दुल्हं, आसाढपुण्णिमा पत्ता एस बितियभंगो । तइओ आसाढपुण्णिमाए वासावासपाउगे ठियाणं चतुत्थो भंगो । उडुबद्धे ठियाण । एएसु चउसु भंगेसु जो एस तइओ भंगो एत्थ पडिसिद्धं वत्थाण गहणं न सेसेसु भंगेसु । जम्हा तइयभंगे ण कप्पइ उवही घेत्तुं, जम्हा अपत्तेहिं चेव खेत्तकालेहिं अणागयं उवही घेत्तव्यो । तस्स पुण इमं परिमाणं ।
दुण्हं जओ एगस्सा, णिप्फज्जति जं च होति वासासु । अग्गहणम्मि वि लहुगा, तत्थ वि आणादिणो दोसा ॥४२४९॥
