________________
२४२
विसेसचुण्णि
[अवंगुयदुवारुवस्सयपगयं इत्थियाओ संकेज्ज-नूणं कोइ एयासिं उब्भामगो ओगाहइ त्ति ।
तेणियरं व सगारो, गिण्हे मारेज्ज सो व सागरियं । पडिसेह छोभ झामण, काहिंति पदोसतो जं च ॥२३४७॥
"तेणियरं व सगारो०" गाहा। सेज्जायरो तेणयं मेहुणट्ठियं वा गेण्हेज्जा मारेज्ज वा। ते वा सेज्जातरं मारेज्जा । सेज्जातरे मारिए सन्नातगा से तद्दव्ववोच्छेयं अन्नदव्ववोच्छेयं वा करेज्ज । इयरे छोभयं देंति संजईणं । अम्हं भाडिगहिया, पदुट्ठा वा समाणा सेज्जायरस्स घरं जामेज्ज । अन्नं वा जं पदोसेण काहिंति तमावज्जंति । तम्हा एवं न वारेयव्वं । इमा विही -
संकियमसंकियं वा, उभयढेि नच्च बेंति अहिलिंतं ।
छु त्ति हडि त्ति अणाहा !, नत्थि ते माया पिया वा वि ॥२३४८॥
“संकियमसंकियं वा०" गाहा । कण्ठ्या । नत्थि से माया-पिया वा सामी वा, जो इमाए वेलाए हिंडसि ? ।
भंजंतुवस्सयं णे, छिन्नाल जरग्गगा सगोरहगा। नत्थि इहं तुह चारी, नस्ससु किं खाहिसि अहन्ना ! ॥२३४९॥
"भंजंतुवस्सयं णे०" गाहा । कण्ठ्या । रूससु त्तिरे निस्साहि । बिइयपदे अवंगुतदुवारे वि वसिज्ज ।
अद्धाणनिग्गयादी, तिक्खुत्तो मग्गिऊण असईए । दव्वस्स व असईए, ताओ व अपच्छिमा पिंडी ॥२३५०॥ [नि०] अन्नत्तो व कवाडं, कंटिय दंड चिलिमिलि बहिं किढिया । पिंडीभवंति सभए, काऊणऽन्नोन्नकरबंधं ॥२३५१॥
"अद्धाणनिग्गयादी०" ["अन्नत्तो०"] विभासा । दव्वं ति कवाडं अन्नत्तो मग्गियं पि ण लद्धं, ताहे वंसकिडिका मग्गियव्वा । अलंभे कंटगसाहाओ मग्गियव्वाओ। ताहिं पिधेति । अलंभे दंडएहिं संघाइज्जइ । तिरिच्छएहिं निरंतरं पोत्तेण य चिलिमिणी दारमूले थेरीओ कीरंति । एवं विभासा । अह कोइ पेल्लणं करेज्ज, ताहे अण्णोण्णाओ हत्थबंधं करेंति । एसा पिंडी ।
अंतो हवंति तरुणी, सदं दंडेहि ते पतालिंति । अह तत्थ होंति वसभा, वारिति गिही व ते होउं ॥२३५२॥ "अंतो हवंति तरुणी०" गाहा । कण्ठ्या । अंतो तरुणीओ दंडगहत्थगया उवाहरंति,
१. उच्चारेयव्वं इति भाव्यम् ? मलवृ। २. नस्ससु त्ति भाव्यम् ?
