________________
( ८६ )
( ३ )
॥ श्री आदिनाथजी को स्तवन ||
चालो आदि जिनंदजी को पूजवा, जिठै सामलियो जिनराज रीखभजी | चालो आदि जिनंद पूजवा || मैंतो पूजांला मन वच काय रीखभजी ॥ १ ॥ प्रभु विकट पहारां निराजिया, जिठै सांवरियो महाराज, रुषभ जिनजी चालो आदि जिनंदजी ने पूजवा || २ || प्रभु श्रोड पास देहरां चण्या ॥ जिठै बिच बिराजे आप || ऋषभ जिनजी चालो आदि जिनंदजीने पूजवा ॥ ३ ॥ प्रभू हस्ती तोही दै बारणां, जिठै नइठी मोरादेवी माय || ऋषभ जिनजी ॥ ४ ॥ प्रभु केशर घीस्या ज्युं भावस्युं, मैंतो चरचालां प्रभुजीरो गात || ऋषभ || ५ || प्रभु बागो तो सोहे थाने केसरयां, जीमें सोनारा फुल जडाव || ऋषभजी ॥ ६ ॥ प्रभु सिंघासन थांको हद बन्यो, जीमें चोवीसीरो भाव || ऋषभ ।। ७ ।। प्रभु छतरी तो थांकी हद बनी, जिमें गिरनारांरो भाव ॥ ऋषभ ॥ ८ ॥ प्रभु संघ आवे चिहुं देस से, जाका मनमांही हरक उच्छाई ॥ ऋषभ ॥ ९ ॥ प्रभु धुलोजीगढ सोहामणो । तामें देस बडो मेवाड || ऋषभ ॥ १० ॥ प्रभुजी नरनारी जो गावसी, सोतो जासे मुक्ति मोझार ॥ ऋषभ ॥ ११ ॥ प्रभु सतरसें संवत तीश्रोतरी, प्रभु भादव सुदी चवदसीं जाणी ।। ऋषभ ।। १२ ।। प्रभु भोजोजी भावस्युं
विनवे || वोतो रहे थे छारेडारे बीज || ऋषभ ॥ १३ ॥
