________________
શ્રી પાર્શ્વ જિન સ્તવન
રાગ - નદી યમુના કે તીર પુરુષાદાની પાસ કે આશા સલ કરો, દાસતણી અરદાસ સદા દિલમાં ધરો; બપૈયો જેમ જલધર વિણ જાચે નહિ, તેમ તુમ વિણ હું ઓર ન યાચું એ સહિ. ૧ તુમ ઉપર એક ટેક કરીને હું રહ્યો, સાહિબ તું મુજ એક મેં અવર ન સંગ્રહ્યો, સેવાની પણ ચૂક કદા પડતી નથી. ઋદ્ધિ અનંત ખજાને ખોટ પણ કો નથી. ૨ ભવિતવ્યતા પણ ભવ્ય અછે પ્રભુ માહરી, તે જાણ્યું નિરધાર કૃપા લહી તાહરી, ભવસ્થિતિનો પરિપાક વિલંબ વિચે કરે, રાઘયણાદિ દોષ તણો અંતર ધરે. ૩ પણ તે નાવે કામ એ વાત નિપાત છે, સેવક કેમ હોયે દૂર ખાનાર જાતિ છે; ભોળવિયા નવિ જાય કે જે તુમ શીખવ્યા, પહેલાં હેત દેખાડીને જેહને હેળવ્યા. ૪ તે અલગા કેમ જાય નજર ધરો નેહની, વાંછિત આપી આશા સફળ કરો તેહની; જ્ઞાનવિમલ પ્રભુ ચરણસેવા નિતુ દિજીએ,
સહજે ઉદય બહુમાન અધિક હવે કીજીએ. ૫ પ્રસ્તુત સ્તવન જ્ઞાનવિમલસૂરિનાં સઘળાં સ્તવનોના સંપાદન શ્રી જ્ઞાનવિમલભક્તિપ્રકાશમાંથી લેવામાં આવ્યું છે. સઝાયરચનાઓની જેમ કવિની સ્તવનરચનાઓ ભક્તિને કેન્દ્ર કરે છે અને રસાળ શૈલીમાં રજૂ થઈ છે. જ્ઞાનવિમલભક્તિપ્રકાશ સંપા. : કીર્તિદા જોશી, ૧૯૯૮. પ્રાપ્તિસ્થાન મહેન્દ્રભાઈ ચં. પટેલ, ચંદ્રમહલ, ૧૬, મહાલક્ષ્મી સોસાયટી, પાલડી, અમદાવાદ-૩૮૦૦૦૭.
૧. પુરુષોમાં ઉત્તમ ૨. ઉત્તમ
