________________
૧૫૫
આત્માનુશાસન સસુખ પ્રાપ્તિ સર્વ ઇચ્છે, કર્મક્ષયથી તે મળે, તે કર્મક્ષય ચારિત્રથી, ચારિત્ર બોધબળે ફળે; તે બોધ આગમથી મળે, આગમ શ્રવણ ભવભય હરે, નહિ આપ્ત વિણ આગમ, અને નિર્દોષ આપ્ત ખરા કરે; તે દોષ અષ્ટાદશ કહ્યા, રાગાદિ ભવકારણ સદા, તે સર્વ ક્ષય જેના થયા, એ આપ્ત મુક્તિ સૌખ્યદા; માટે સુયુક્તિથી વિચારી, સ્વાત્મશ્રી સંપ્રાપ્ત એ, સૌ સંત નિજશ્રી પ્રગટ કરવા, નિત્ય સેવો આપ્ત એ. ૯ રે! મુક્તિ મહેલ ચઢી જવા સોપાન સૌથી પ્રથમ જે, આત્માર્થી શિષ્ય સમૂહને આરાધના અઝિમ જે; સમકિત, શ્રદ્ધા, દ્વિવિધ, 2ધા, દશવિધિ, ગતમૂઢતા, સંવેગવર્ધિત ભવવિનાશી, જ્ઞાન ત્રણ શુદ્ધિપ્રદા; એ સાત તત્ત્વ, પદાર્થ નવ નિશ્ચય સહિત શ્રદ્ધા કરે, આરાધના સમકિતની, શ્રેયાર્થી સેવી શિવ વરે. ૧૦ સમકિત દશધા જાણવું, સૌ પ્રથમ આજ્ઞાથી થતું, પછી માર્ગ કે ઉપદેશ કે પછી સૂત્ર બીજ થકી થતું; સંક્ષેપ કે વિસ્તારથી કે અર્થથી ઉદ્ભવ થતું, અવગાઢ ને પરમાવગાઢ, પ્રકાર એ દશ જાણ તું. ૧૧ ઉપશમે દર્શન મોહ ત્યાં, વિણ શાસ્ત્ર અભ્યાસેય જે, વીતરાગની આજ્ઞા ઉપાસ્ય, તત્ત્વ શ્રદ્ધા સંપજે; આજ્ઞા રૂચિ સમકિત કહ્યું, નિર્ગથ, સુખ શાશ્વત પ્રદા, શિવમાર્ગની શ્રદ્ધા પ્રતીતિ, માર્ગ સમકિત શ્રેયદા; સપુરુષના ઉપદેશથી, જે તત્ત્વશ્રદ્ધા થાય છે, ઉપદેશ સમકિત તેહને, ગણધર પ્રમુખ સૌ ગાય છે. ૧૨ જ્ઞાની-મુનિ-આચારવિધિને સૂત્રથી સુણીને લહ્યું, જે તત્ત્વનું શ્રદ્ધાન તેને સૂત્ર સમકિત વર્ણવ્યું; જે તત્ત્વ શ્રદ્ધા બીજ જ્ઞાને, બીજ સમકિત તે કહ્યું,
