________________
શ્રી ભકતામર-સ્તોત્ર
પ્રકાશકીય
શ્રી સત્કૃત–સેવા–સાધના કેન્દ્રના પ્રથમ પ્રકાશનની આ ત્રીજી આવૃત્તિ પ્રગટ કરતાં અમોને અત્યંત આનંદ થાય છે.
અમોએ સંસ્થા–સંસ્થાપનની આદિમાં આદિ જિનેન્દ્ર તીર્થકર ભગવાન આદિનાથનું શ્રી માનતુંગાચાર્ય રચિત આ ભકિતપરક અત્યંત ભાવપૂર્ણ સંતવન પ્રકાશિત કરેલ. સ્તોત્રના આરંભમાં ‘ભક્તામર” (અર્થાતુ ભકત દેવો) શબ્દ આવેલ હોવાથી આ સ્તોત્રનું “ભક્તામર સ્તોત્ર’ એવું નામ પડ્યું છે.
આ સ્તોત્રના અનેકાનેક પદ્યાનુવાદ હિન્દી, ગુજરાતી, મરાઠી તથા ઉર્દૂ ભાષામાં પ્રગટ થયેલ છે. અંગ્રેજી તથા જર્મન ભાષામાં પણ અનુવાદ પ્રકાશિત થયો છે. સ્તોત્ર ઉપર શ્રી મુનિ નાગચંદ્રજી વગેરે વિદ્વાનોએ સંસ્કૃત ટીકા અને વૃત્તિઓ પણ લખી છે.
સમાજના વાતાવરણમાં પ્રાય: પ્રતિદિન આ સ્તોત્રનો પાઠ કરવાની પદ્ધતિ છે. હજારો આત્માર્થીજનોને આ સ્તોત્ર મુખપાઠે છે. સમય-સમય પર સેંકડો સ્થળોએથી આની લાખો પ્રત પ્રગટ થઈ ચૂકી છે. આ ઉપરથી પણ સ્તોત્રની મહત્તા અને લોકપ્રિયતા મુમુક્ષુઓને ધ્યાનમાં આવશે.
- ત્રીજી આવૃત્તિ પ્રમાણે શ્રી માવજી દામજી શાહકન ગુજરાતી પદ્યાનુવાદ સાથે મૂળ સંસ્કૃત સ્તોત્ર પણ આપેલ છે, જેથી તત્ત્વવિવેકસહિત ભવસમુદ્રતારિણી જિનભક્તિનો લાભ મુમુક્ષુજનો લેશે એવી ભાવના છે.
નિવેદક : પ્રકાશન સમિતિ, શ્રી સદ્ભુત સેવા-સાધના કેન્દ્ર
