________________
॥ तृतीयोदेशकः॥ जे भिक्खू आगंतागारेसु वा, आरामागारेसु वा गाहावइकुलेसु वा परियायसहेस वा अण्णउत्थियं वा गारत्थियं वा असणं वा पाणं वा खाइमं बा साइमं वाओभासियओभासिय जायइ, जायंतं वा साइज्जइ ॥१॥
जे भिक्खू आगंतागारेसु वा आरामागारेसु वा गाहावइकुठे सु वा, परियावसहेसु वा अण्णउत्थियाओ वा गारत्थियाओ वा असणं वा पाणं वा खाइमं वा साइमं वा ओभासिय-ओमासिय जायइ जायंत वा साइज्जइ ॥२॥
जे भिक्खू आगंतागारेसु वा आरामागारेसु वा गाहावइकुलेसु वा परियावसहेसु वा अण्णउत्थिणि वा गारस्थिणि वा असणं वा पाणं वा खाइमं वा साइमं वा ओभासियओभासिय जायइ जायंत वा साइज्जइ ॥३॥
जे भिक्खू आगंतागारेसु वा आरामागारेसु वा गाहावइकुलेसु वा परियावसहेसु वा अण्णउत्थिणीओ वा गारस्थिणीओ वा असणं वा पाण वा खाइम वा साइमं वा ओभासिय-ओभासिय जायइ जायंत वा साइज्जइ ॥४॥
जे भिक्खू आगंतागारेसु वा, आरामागारेसु वा गाहावइकुलेसु वा परियावसहेसु वा अण्णउत्थियं वा, गारत्थियं बा, कोउहलवडियाए पडियागयं समाणं असण वा पाणं वा, खाइम वा साइम वा ओभासिय-ओभासिय जायइ जायंत वा साइज्जइ ॥५॥
जे भिक्खू आगंतागारेसु वा आरामागारेसु वा गाहावइकुलेसु वा परियावसहेसु वा कोऊहलवडियाए पडियागया समाणा अण्णउत्थिया वा गारत्थिया वा असणं वा, पाणं वा, खाइमं वा साइमं वा ओभासिय-ओभासिय जायइ, जायंतं वा साइज्जइ ॥
जे भिक्खू आगंतागारेसु वा आरामागारेसु वा गाहावइकुलेसु वा परियावसहेसु वा कोऊहलवडियाए पडियागयं समाणं अण्णउत्थिणि वा गारथिणि वा असणं वा पाणं वा खाइमं वा साइम वा ओभासिय-ओभासिय जायइ जायंत वा साइज्जइ ॥
जे भिक्खू आगंतागारेसु वा आरामागारेसु वा गाहावइकुलेसु वा परियावसहेसु वा कोऊहलवडियाए पडियागया समाणा अण्णउत्थिणीओ वा गारस्थिणीओ वा असणं वा पाणं वा खाइम वा साइम वा ओभासिय-ओभासिय जायइ, जायंतं वा साइज्जइ ।। सू०८॥
શ્રી નિશીથ સૂત્ર
