________________
६४४
जम्बूद्वीपप्रज्ञप्तिसूत्रे दाहिणिल्लेणं कूलेणं पुरथिमं दिसि सिंधुदेवीभवणाभिमुहं पयातं पासइ, पासित्ता हट्टतुट्ठ चित्त तहेव जाव जेणेव सिंधुए देवीए भवणं तेणे व उवागच्छइ, उवागच्छित्ता सिंधूए देवीए भवनस्स अदूरसामंते दुवालजोयणायामं णवजोयणवित्थिन्नं वरनगरसरिच्छं विजयखंधावारणिवेसं करेइ जाव सिंधुदेवीए अट्ठमभत्तं पगिण्हइ पगिण्हित्ता पोसहसालाए पोसहिए बंमयारी जाव दब्मसंथारोवगए अट्ठमभत्तिए सिंधुदेवि मणसि करेमाणे चिट्ठइ । तएणं तस्स भरहस्स रण्णो अट्ठमभत्तंसि परिणममाणसि सिंधुए देवीए आसणं चलइ, तएणं सा सिंधुदेवी आसणं चलियं पासइ पासित्ता आहिं पउंजइ, पउंजित्ता भरहं रायं ओहिणा आभोएइ, आमोए त्ता इमे एआरूवे अब्भत्थिए चिंतिए पतिथए मणोगए संकप्प समुप्पज्जि स्था उप्पण्णे खलु भो जंबुद्दीवेदीवे भरहे वासे भरहे णामं गया चाउरंत चक्करवट्ठी. तं जीयमेयं तोअ पच्चुप्पण्णमणागयाणं सिंधूणं देवीणं भर हाणं राईणं उवत्थाणियं करेत्तए, तं गच्छामि णं अहंपि भरहस्स रण्णा उवत्थाणियं करोमि त्ति कटु कुंभट्ठसहस्सं रयणचित्तंणाणामणि कणगरयणभत्तिचित्ताणि य दुवे कणगभद्दासणाणि य कडगाणि य तुडियाणि य जाव आभरणाणि य गेण्हइ गेण्हित्ता ताए उक्किट्ठाए जाव एवं वयासी अभिजिएणं दवाणुप्पिएहिं केवलकप्पे भरहे वासे अहण्णं देवाणुप्पियाणं विसयवासिणी अहणं देवाणुप्पियाणं आपत्तिकिंकरी तं पडिच्छंतु णं देवाणुप्पिया! मम इमं एयारूवं पीइदाणं तिकटु कुभट्ठसहस्सं रयणचित्तं णाणामणि कणग कडगाणि य जाव सो चेव गमो जाव पडिविसज्जेइतएणं से भरहे राया पोसहसालाओ पडिणिक्खमइ पडिणिक्खमित्ता जेणेव मज्जणघरे तेणेव उवागच्छइ उवागच्छित्ता पहाए कयवलिकम्मे जाव जेणेव भोयणमंडवे तेणेव उवागच्छइ, उवागच्छित्ता भोयणमंडवंसि सुहासवरगए अट्ठमभत्तं परियादियइ परियादिएत्ता जाव सीहासणवरगए पुरस्थाभिमुहे णिसीयइ णिसीएता अट्ठारससेणि पसेणीओ सद्दावेइ सदवित्ता जाव अट्ठाहियाए महामहिमाए तमाणत्तियं पच्चप्पिणंति ॥सू० ११॥
જમ્બુદ્વીપપ્રજ્ઞપ્તિસૂત્ર
