________________
प्रमेयद्योतिका टीका प्र.३ उ.३सू.३७ एकोरुकमनुष्याणामाचारादिनिरूपणम् ५६७ धवलदंतसेढी अखंडदंता अप्फुडियदंता अविरलदंता सुजायदंता एगदंत सेढिव्व अणेगदंता हुतवह निद्धतधोयतत्ततवणिज्जरत्ततलतालुजीहा गरुलायय उज्जुतुंगणासा अवदालियपोंडरीयणयणा कोकासियधवल पतलच्छा आणामियचावरुइल किण्हब्भराइय संठियसंगय आयय सुजाततणुकसिणनिद्धभूमया अल्लीणप्पमाण जुत्तसवणासुस्सवणा पीणमंसलकवोलदेसभागा अचिरुग्णयबालचंद संठियपसस्थवित्थिन्न समणिडाला उडुवइ पडिपुण्णसोमवदणा छत्तागारुत्तमंगदेसा घणणिंचिय सुबद्धलक्खणुण्ण कूडागारणिपिडियसिस्सा दाडिमपुप्फपगासतवणिज्ज सरिसनिम्मलसुजाय केसंतकेसभूमी सामलिबोंडघणणिचिय छोडियमिउविसय पसत्थसुहमलक्खणसुगंधसुंदर भुयमोयगभिंगि णीलकज्जलपहभमरगणणिद्धणिकुरंबनिचियकुंचियचियपयाहिणावत्तमुद्धसिरया लक्खणबंजणगुणोववेया सुजायसुविभत्तसुरूवगा पासाईया दरिसणिज्जा अभिरूवा पडिरूवा । ते णं मणुया हंसस्सरा कोंचस्सरा नंदिघोसा सीहस्सरा सीहघोसा मंजुस्सरा मंजुघोसा सुस्सरा सुस्सरणिरघोसा छाया उज्जोइयंगमंगा वज्जरिसभनारायसंघयणा समचउरंससंठाण संठिया सिणिद्ध छवीणिरायंका उत्तमपसत्थ अइसेस निरूवमतणू जल्लमलकलंकसेयरयदोसवज्जियसरीरा निरुवलेवा अणुलोभवाउवेगा कंकग्गहणी कवोयपरिणामा सउणिव्वपोसपिर्ट तरोरुपरिणया विग्गहियउन्नयकुच्छी पउमुप्पलसरिसगंधणिस्साससुरभिवदणा अधणुसयं ऊसिया तेसिं मणुयाणं चउसट्रि पिट्रिकरडंगा पण्णत्ता समणाउसो !। ते णं मणुया पगइभदया पगइविणीयगा पगइउवसंता पगइपयणुकोहमाणमायालोभा
જીવાભિગમસૂત્ર
