________________
२१२
जीवाभिगमसूत्रे खेज्जासमए समए अवहीरमाणा अवहीरमाणा असंखेज्जाहिं उस्सप्पिणी ओसप्पिणीहिं अवहीरंति नो चेव णं अवहिया सिया जाव अहे सत्तमा ॥ इमीसे णं भंते ! रयणप्पभाए पुढवीए नेरइयाणं के महालिया सरीरोगाहणा पन्नत्ता ? गोयमा! दुविहा सरीरोगाहणा पन्नत्ता तं जहा-भवधारणिज्जा य उत्तरवेउव्वियाय तत्थ णं जा सा भवधारणिज्जा सा जहन्नेणं अंगुलस्स असंखेज्जइभागं उक्कोसेणं सत्तधणूइं तिन्नि य रयणीओ छच्च अंगुलाई, तत्थ णं जा सा उत्तरवेउव्विया सा जहन्नेणं अंगुलस्स संखेज्जइभागं उक्कोसेणं पण्णरसधणूई अड्डाइज्जाओ रयणीओ। दोच्चाए भवधारणिज्जा जहन्नेणं अंगुलासंखेजभागं उक्कोसेणं पण्णरसधणू अड्ढाइज्जाओ रयणीओ, उत्तरवेउब्विया जहन्नेणं अंगुलस्स संखेज्जइभागं उक्कोसेणं एकतीसं धणूइं एका रयणी । तच्चाए भवधारणिज्जा एकतीसं धणूइं एका रयणी, उत्तरवेउव्विया वासहि धणूइं दोन्नि रयणीओ। चउत्थीए भवधारणिज्जा वासद्धिं धणूइं दोषिणय रयणीओ। उत्तरवेउव्विया पणवीसं धणुसयं पंचमीए भवधारणिज्जा पणवीसं धणुसयं उत्तरवेउब्विया अड्डाइज्जाई धणुसयाई। छट्टीए भवधारणिज्जा अड्डाइज्जाइंधणुसयाई उत्तरवेउव्विया पंचधणुसयाइं । सत्तमाए भवधारणिज्जा पंचधणुसयाइं उत्तरवेउविया धणुसहस्सं ॥सू० १७॥
छाया-एतस्यां खलु भदन्त ! रत्नप्रभायां पृथिव्याम् नैरयिकाः कुत उत्पद्यन्ते किमसंज्ञिम्य उत्पद्यन्ते सरीसृपेभ्य उत्पद्यन्ते पक्षिभ्य उत्पद्यन्ते चतुष्पदेभ्य उत्पद्यन्ते उरगेभ्य उत्पयन्ते स्त्रीभ्य उत्पद्यन्ते मत्स्यमनुजेभ्य उत्पद्यन्ते? गौतम ! असंज्ञिभ्य उत्पद्यन्ते मत्स्यमनुजेभ्य उत्पद्यन्ते शेषासु अनया गाथया अनुगन्तव्याः।
જીવાભિગમસૂત્ર
