________________
६९०
ज्ञाताधर्मकथासूत्रे
नो संचाएइ चिलायं चोरसेणावई साहस्थि गिहित्तए । से णं तओ पडिनियत्तइ, पडिनियत्तित्ता जेणेव सा सुंसुमा दारिया चिलाएणं जीवियाओ ववरोविया तेणेव उवागच्छइ, उवागच्छित्ता, सुसुमं दारियं चिलाएणं जीवियाओ ववरोवियं पासइ, पासित्ता परसुनियत्तेव चंपगवरपायवे धसत्ति धरणियलंसि निवडइ । तएणं से धण्णे सत्थवाहे पंचहिं पुत्तेहिं सद्धिं अप्पछट्टे आसत्थे कूयमाणे कंदमाणे विलवमाणे महयार सदेणं कुहूर सुपरुन्ने सुचिरं कालं बाहमोक्खं करेइ । तएण से धपणे सत्थवाहे पंचहिं पुत्तेहिं सद्धिं अप्पछट्टे चिलायं तीसे अग्गामियाए अडवीए सव्वओ समंता परिघाडेमाणे तण्हाए छुहाए य परिभूए समाणे ती अग्गामिया अडवीए सव्वओ समंता उद्गस्स मग्गणगवेसणं करे, करिता संते तंते परितंते, निव्विन्ने, तीसे अग्गामियाए अडवीए उद्गस्स मग्गणगवेसणं करेमाणे नो चेवणं उदगं आसादेइ । तरणं से घण्णे सत्थवाहे अप्पछडे उदगं अणासाएमाणे जेणेव सुंसुमा जीवियाओ ववरोविया तेणेव उवागच्छइ, उवागच्छित्ता जेहं पुत्तं धणदत्तं सद्दावेइ, सद्दावित्ता एवं वयासी - एवं खलु पुत्ता ! अम्हे सुंसुमाए दारियाए अट्ठाए चिलायं तकरं सव्वओ समंता परिधाडेमाणा तण्हाए हाए य अभिभूया समाणा इमीसे अग्गामियाए अडवीए उदग्गस्स मग्गणगवेसणं करेमाणा णो चेव णं उद्गं आसादेमो, तरणं उदगं, अणासाएमाणा णो संचाएमो रायगिहं संपावित्तए, तण्णं
શ્રી જ્ઞાતાધર્મ કથાંગ સૂત્ર ઃ ૦૩
