________________
६४२
आचारांगसूत्रे
भासं सावज्जं जाव नो भासिज्जा, से भिक्खू वा भिक्खुणी वा विरूववाओ गाओ पेहाए एवं वइज्जा तं जहा जुवंगवित्ति वा घेणुत्ति वा रसवइति वा इस्सेइ वा महल्लेइ वा महत्वएइ वा संवहणित्ति वा एय पगारं भासं असावजं जाव अभिकख भासिजा से भिक्खू वा भिक्खुणी वा तहेव गंतुमुज्जाणाई पव्वयाई वणाणि वा रुक्खा महल्ले पेहाए नो एवं वइज्जा, तं जहा- पासायजोग्गाति वा तोरणजोग्गाइ वा गिहजोग्गाइ वा फलिहजोग्गाति वा अग्गलजोग्गाति वा नावाजोग्गाइ वा उदगजोग्गाइ वा, दोणजोग्गाइ वा पीढचंगवेरनं गलकुलियजंततलट्टीनाभिगंडी आसणजोग्गाति वा सयणजाण उवस्सयजोग्गाइ वा एयपगारं भासं नो भासिज्जा, से भिक्खू वा भिक्खुणी वा तहेव गंतु मुज्जाणाई पत्रयाई वणाणि वा रक्खा महल्ले पेहाए एवं वइज्जा, तं जहा - जाइमंताइ वा दीहवट्टाइ वा महालयाइ वा पयायसालाइ वा विडिमसालाइ वा पालाइयाइ वा जाव पडिरूवाति वा एयप्यगारं भासं असावज्जं जाव भासिज्जा, से भिक्खू वा भिक्खुणी वा बहुसंभूया वणफला पेहाए तहावि ते नो एवं वइज्जा तं जहा - पक्काइ वा पायखंजाइ वा वेलोइयाइ वा टालाइ वा वेहियाइ वा, एयप्पगारं भासं सावज्जं जाव नो भासिज्जा, से भिक्खू वा भिक्खुणी वा बहुसंभृया वणफला अंबा पेहाए एवं वइज्जा, तं जहा - असंथडाइ वा बहुनिवट्टिमफलाइ वा बहुसंभूयाइ वा भूयरुचित्ति वा एयप्पगारं भासं असावज्जं भासि ज्जा, से भिक्खू वा भिक्खुणी वा बहुसंभृया ओसही पेहाए तहावि ताओ न एवं वइज्जा, तं जहा-पक्काइ वा, नीलीयाइ वा छवीइयाइ वा लाइमाइ वा भजिमाइ वा बहुखज्जाइ वा एयप्पगारं भासं सावज्जं जाव नो भासिज्जा, से भिक्खू वा भिक्खुणी वा बहुसंभूया ओलही पेहाए तहावि एवं वइज्जा तं जहा - रूढाइ वा बहुसंभूयाइ वा थिराइ बा, ऊढाइ वा गभियाई वा पसूयाइ वा ससाराइ वा एयप्पगारं
શ્રી આચારાંગ સૂત્ર : ૪
