________________
पढमो सग्गो
मंगलायरणं झाऊण' चित्ते सिरिभिक्खुसामि, तेरापहेसं बलसंजुयं य । दीवासु विग्यविणासगारि, णिम्मेमि कव्वं य सुबाहुणामं ॥१॥ दाणं य सोलं य तवं य भावो, मोक्खस्स चत्तारि पहा य संति। दाणेण मच्चा पउरा इयाणि, पारं गया भो भवसागरस्स ॥२॥ तेसुं सुबाहू वि हु अस्थि एगो, रम्मं चरित्तं गहिऊण तस्स । कव्वं इयाणि णिअगं कुणेमि, णेऊण हं पाइअभारइं य ॥३॥
अस्सि' भारहवासे, आसि पुरा हत्थिसीसणामपुरं । भूवो अदीणसत्तू, कुणेइ तत्थ ससुहं रज्जं ।।१।। तस्स धारिणीपमुहा, अहेसि खु सहस्साओ राणीओ। विणीया य कुलसेट्ठा, भूव-इंगियाणुसारीओ ।।२।। धारिणीअ कुच्छीए, जाओ एगो य पुण्णवं पुत्तो। भूवइणा से दिण्णो, सुबाहुकुमारो त्ति य णामो ॥३॥ पालेउं य रक्खिआ, खिइवइणा पंचधाईउ कुसला। ताणं सुसंरक्खणे, सणि सणिअं' सो वड्डइ ॥४॥ सिक्खाजुग्गो जाओ, जया सो तयाणि णिवेण पेसिओ। पढिउं गुरुणो पासे, अत्थि णाणं तइयं णयणं ।।५।। आसि स सव्वेसि पियो, इट्ठो कंतो मणुण्णो मणामो। सुहगो य पियदसणो, सोमो सुरूवो य तयाणि ॥६॥ विणीयभावेणं सो, णेइ गुरुणो अब्भासे य णाणं । विणीओ च्चेअ सक्को, णेउं सुयं गुरुणो सविहम्मि ॥७॥ १. छंद-इंद्रवज्रा। २. आर्याछंद । ३. शनैः शनैः (शनसो डिअम्-प्रा. व्या. ८।२।१६८)।
