________________
श्री विजयपसूरिविरचितः
माबतखानहिगारी, इह गुणरसिओ पयानुकूलमई | तस्स सहाए जाया, जससंसा ता समाहूया || २४ ॥ मुणिवरसिरिजसविजया, करीअ मेहाबलावहाणाई ॥ अट्ठारस तत्थ तया, तत्तो हिट्टोऽहिमारी सो ॥ २५ ॥
१५०
भव्वरसव्वाइपुव्वं, सम्माणं पि य करीअ हरिसेणं ॥ जिण सासणस्स विहिया, पहावणा सिरिज सेण वरा ॥ २६ ॥ वायगपयस्स जुग्गा, बहुस्सुया जे य पुज्जजसविजया ॥ इय विष्णत्ती विहिया -पासे सिरिदेवसूरिस्स ॥२७॥ रायणयरसंघेणं, विणयविवेयाइगुणगणट्टेणं ॥ ठविया साहिययंमि, तेणायरिएण गुरुमणा ॥२८॥ उत्तमवीसठाणा - राहणतप्परविबुद्धजसगणिणो ॥ णियगुरुणो आणाए - विजयप्पहसूरिणाऽऽणंदा ॥ २९ ॥ गयससिहइंदुवासे, संघुल्ला सुस्सवाइजोगेणं ॥ दिन्नमुवज्झायपयं, जसविजया वायगा जाया ॥ ३०॥ अज्झष्पणायजोगा, जेणं परिचच्चिया सगंथेसु ॥ तं वायगजसविजयं, सरंति धण्णा णरा णिच्चं ॥ ३१ ॥ गुणजुगहइंदुवासे, तेणं दभावइचउम्मासे ॥ सग्गपयं संपतं, अणसणसुसमाहिविहिपुव्वं ॥ ३२ ॥ इय जसचरियं सिद्धं, गुणाणुरागेण लेसओ भणियं ॥. नाणाणुकरणभावा, लहेह परमुण्णई भव्वा ! ३३ ॥
